Ko Molomona mo e ʻŪ Lauʻi Peleti Koulá

Ngaahi tā fakatātā ʻa Andrew Bosley

Naʻe hoko ʻa Molomona ko ha palōfita. ʻI hono taʻu 10, naʻe talaange ʻe ha taki ko hono hingoá ko ʻEmaloni ke ne manatuʻi ʻa e meʻa naʻe hoko ki hono kakaí koeʻuhí ke ne lava ʻo hiki ia ʻi he ʻū lauʻi peleti koulá kimui ange. Ko e ʻū lauʻi peletí ʻa e meʻa naʻe tohi ai ʻa e kau palōfita Nīfaí.

Naʻe fufuuʻi ʻe ʻEmaloni ʻa e ʻū lauʻi peletí koeʻuhí naʻe faiangahala ha kakai tokolahi. Naʻá ne talaange kia Molomona ʻa e feituʻu ke ʻiloʻi ai kinautolú. ʻI he taimi naʻe matuʻotuʻa ange ai ʻa Molomoná, naʻá ne ʻomi ʻa e ʻū lauʻi peleti koulá. Naʻá ne tauhi malu kinautolu mo tohi fekauʻaki mo hono kakaí.

Naʻe kei faiangahala pē ʻa e kakaí, ka naʻe feinga ʻa Molomona ke akoʻi kinautolu. Naʻá ne tohi foki fekauʻaki mo e Fakamoʻuí ʻi he ʻū lauʻi peletí. Koeʻuhí ko Molomona, ʻoku tau lava ʻo lau ʻi he ʻahó ni ʻa e ngaahi lea ʻa e kau palōfitá ʻi he Tohi ʻa Molomoná.

Neongo naʻe kei siʻi ʻa Molomona, ka naʻe falala ʻa e ʻEikí kiate ia. Te ke lava foki mo koe ʻo muimui ki he ʻEikí ʻi hoʻo kei siʻí!