Ngaahi Ongoongo ‘o e Konifelenisí

ʻOku ou saiʻia ke fanongo ki he lea ʻa e kau ʻaposetoló mo hotau palōfita ko Palesiteni Lāsolo M. Nalesoní, ʻi he konifelenisí. ʻOku ou saiʻia ke maʻu ha palōfita ʻoku taʻu 100!

Luciano F., taʻu 6, Malikalani, Silei

Naʻe faʻu ʻe heʻeku palesiteni fakakoló ha peesi fehuʻi mo e tali ʻi he konifelenisí maʻá e fānau Palaimelí. Naʻá ne tokoniʻi au ke u fanongo ki he ngaahi lea ʻi he konifelenisí. Naʻe fakafiefia ʻaupito!

Yen-Ting C., taʻu 10, Vahefonua Sengiuá, Taiuani

Ko e konifelenisi lahí ko e taimi lelei taha ia ke fekumi mo maʻu ai ha ueʻi fakalaumālie fakatāutahá.

Janice K., taʻu 12, Koa, ʻInitia

Naʻá ku ongoʻi fiefia ʻi heʻeku hiva ʻi he konifelenisi lahí, tautautefito ki he taimi naʻá ku hiva ai fekauʻaki mo Sīsū Kalaisi mo e Tamai Hēvaní.

Annelise G., taʻu 10, ʻIutā, USA

Naʻe hiva ha fānau ʻe laungeau mei ʻIutā, USA ʻi he fakatahaʻanga ʻo e hoʻatā Tokonakí. Ko e hiva ʻe tolu mei he ngaahi hiva naʻa nau hivaʻí naʻe toʻo ia mei he tohi foʻou ko e Hymns—For Home and Church.

ʻOku langa ʻa e ngaahi temipalé ʻi he funga ʻo e māmaní kotoa. Ko e temipale ʻe fiha naʻe fanongonongo ʻe Palesiteni Nalesoni ʻi he konifelenisi ko ʻení?

• 8 ʻi ʻAmelika Noate

• + 1 ʻi he ʻOtu Kalipiané

• + 1 ʻi ʻAmelika Lotoloto

• + 2 ʻi ʻAmelika Saute

• + 2 ʻi ʻIulope

• + 3 ʻi ʻAfilika

• = Ngaahi temipale ʻe ___

• 190 ʻoku lolotonga ngāue

• 116 kuo ʻosi fanongonongo

• 50 lolotonga langa

• 7 lolotonga fakaleleiʻi

ʻI he taimi naʻe kamata ai ʻa e konifelenisi lahí ʻi he taʻu ʻe 194 kuohilí, ko ha kiʻi falukunga kakai tokosiʻi pē naʻa nau lava ʻo fanongo tonu ki he palōfitá.

ʻI he taʻu ʻe 100 kuohilí, naʻe lava ke nau fanongo ki he konifelenisí ʻi he letioó.

ʻI he taʻu ʻe 75 kuohilí, ne nau lava ʻo sio ai ʻi he TV.

ʻI he taʻu ʻe 25 kuohilí, ne nau lava ʻo mamata pe fanongo ʻi he ʻinitanetí.

ʻI he ʻaho ní, ʻe lava ke mamata pe fanongo ʻa e kakaí ki he konifelenisi lahí ʻi ha faʻahinga feituʻu pē ʻi he māmaní!