Ko e Hā ʻa e Sila ʻi he Temipalé?

Ko e sila ʻi he temipalé ko ha ouau ia ʻokú ne haʻi fakataha ʻa e ngaahi fāmilí ke taʻengata. ʻOku ʻuhinga ʻeni kapau te tau tauhi ʻetau ngaahi fuakavá mo talangofua ki he ʻOtuá, te tau toe nofo mo hotau fāmilí hili ʻetau maté. Kuo palōmesi ʻa e kau palōfitá ʻe lava ke taʻengata ʻa e ngaahi fāmilí koeʻuhí ko Sīsū Kalaisi.

Temipale Nairobi Kenya

Ko e temipale ʻeni hono hiva naʻe langa ʻi ʻAfiliká pea ko e fuofua temipale ia ʻi Keniaá.
ʻOku omi ʻa e kāingalotu ʻo e Siasí ʻi ʻAfilika Hahaké ki he temipale ko ʻení.
Naʻe pehē ʻe Palesiteni Hingikelī ʻi he 1998 ʻe ʻi ai pe ha ʻaho ʻe langa ha temipale ʻi Keniā. Naʻe fanongonongo ʻa e temipale ko ʻení hili ha taʻu ʻe 19 mei ai.

Temipale Papeete Tahiti

Hili hono fakaleleiʻi ʻa e temipale ko ʻení ʻi he 2006, naʻe fakahoko ʻe ha kakai ʻe lauiafe ha polokalama fakafonua ke fakafiefiaʻi hono toe fakatapuí.
ʻOku ʻi ai hano ʻato lanu pulū fakaʻofoʻofa.
Kimuʻa pea langa ʻa e temipale ko ʻení ʻi he 1983, ko e temipale ofi taha ki Tahití naʻe ʻi Nuʻu Sila.