“Mālō e Lelei mei Keniā!” Ko e Kaumeʻá, Nōvema 2024, 12–13.
Mālō e Lelei mei Keniā!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
ʻOku tuʻu ʻa Keniā ʻi ʻAfilika Hahake. ʻOku nofo ai ha kakai ʻe toko 50 miliona tupu!
Lea Fakafonuá
ʻOku ʻi ai ha lea fakafonua fakaʻofisiale ʻe ua ʻi Keniā: ko e lea faka-Suahilí mo e faka-Pilitāniá. ʻOku toe fakaʻaongaʻi foki ai mo ha ngaahi lea fakafonua lahi kehe.
ʻAʻahi ki Keniaá
ʻI Mē ʻo e 2022, naʻe ʻaʻahi ʻa ʻEletā Lānolo A. Lasipeni ki he feituʻu naʻe langa ai ʻa e Temipale Nailopi Keniaá. Naʻá ne pehē ko e taha ia ʻo e ngaahi momeniti naʻá ne saiʻia taha ai lolotonga ʻene folau ki Keniaá.
Tākanga ʻo e Felemingiosí (Flamingos)
ʻI he taimi ʻoku lahi ai ʻa e limú ʻi he Anovai Nakulú, ʻoku haʻu ha felemingiosi ʻe lauiafe ke kai ia. ʻE lava ʻe he lahi ʻo e felemingiosí ʻo ʻai ke ʻasi lanu pingikī ʻa e anovaí kotoa!
Kau Lele Fakaholomamatá
Ko e tokolahi ʻo e kau lele lōloa lelei taha ʻi he māmaní ʻoku nau haʻu mei Keniā. Kuo nau ikuna ha ngaahi mētali ʻe 106 mei he ngaahi feʻauhi lele ʻi he ʻOlimipikí.
Ngaahi tā fakatātā ʻa Ruth Hammond