ʻE Toe Hāʻele Mai ʻa Sīsū Kalaisi

Naʻe fakahoko ʻe he Fakamoʻuí ʻa e palōmesi ko ʻení kiate koe: “Te u ʻi homou nima toʻomataʻú pea ʻi homou toʻohemá, pea ʻe ʻi homou lotó ʻa hoku Laumālié, pea ʻe takatakai ʻa kimoutolu ʻe heʻeku kau ʻāngeló, ke poupouʻi hake ʻa kimoutolu” (Tokāteline mo e Ngaahi Fuakava 84:88).

Naʻe toʻo ʻe Sīsū Kalaisi kiate Ia ʻa hoʻo ngaahi angahalá, ko hoʻo ngaahi mamahí, mo hoʻo loto-mamahí. Te Ne fakamolemoleʻi koe ʻi haʻo fakatomala. Te Ne tāpuakiʻi koe ʻaki ʻa e meʻa ʻokú ke fiemaʻú.

ʻOku ou kole atu ke mou tokoni ʻo tānaki ʻa ʻIsileli kuo fakamoveveteʻí pea mo teuteu ʻa e māmaní ki he Hāʻele ʻAnga Ua Mai ʻa e ʻEikí. ʻOku ou kole atu ke mou lea ʻia Kalaisi, fakamoʻoni kia Kalaisi, tui kia Kalaisi, mo fiefia ʻia Kalaisi! Ko e fakapulipuli ʻeni ki he moʻui fiefiá.

Ko e lelei tahá ʻoku teʻeki ai hoko mai ʻi haʻatau liliu kakato hotau lotó mo ʻetau moʻuí kia Sīsū Kalaisí.