Ծառայության միջոցով կանայք վերագտնում են ուժ, բուժում և հույս

Եվրոպայի տարածքում դժվարությունների բախվող կանայք ուժ և հույս են գտնում Հիսուս Քրիստոսի Վերջին Օրերի Սրբերի Եկեղեցու կարեկցող ջանքերի շնորհիվ: Նրանց պատմություններն արտացոլում են Կանանց միջազգային օրվա ոգին, որը նշվում է ամեն տարի մարտի 8-ին, երբ նրանք հավատքով ու քաջությամբ հաղթահարում են դժվարությունները:

Ալբանիայում ընտանեկան բռնությունից փախած ու ապաստան գտած կանայք Սուրբ Ծննդյան տոներին ստացել են սնունդ, հիգիենայի պարագաներ, խաղալիքներ և մանկական պարագաներ: Կամավորները փաթեթավորել են արկղերը և առաքել ծայրամասեր՝ ապահովելով, որ յուրաքանչյուր կին իրեն հիշված զգա, որոնց թվում էր ապաստարանի նորեկներից մի երիտասարդ մայր, որը ստացավ մանկական պարագաներ, որոնք նվիրաբերվել էին Տիրանայի ցցի կանանց կողմից: Նրանց առատաձեռնությունը մխիթարություն և արժանապատվություն բերեց նրանց, ովքեր վախը սրտում լքել էին իրենց տները:

Շվեյցարիայի ապաստարաններում գտնվող կանայք և երեխաները ստացան սրտաձև պիտակներով կարված սրբիչներ և երիտասարդների կողմից կազմված գունավորելու գրքեր: Յուրաքանչյուր պիտակ կրում էր սիրո ուղերձ: «Այս պիտակները նաև փոխանցում են մեր Փրկչի սերը», - գրել է քույր Ջանեթ Մուելմանը: Ստացողները, որոնցից շատերը փրկվել էին բռնությունից, իրենց լավ ու գնահատված զգացին:

Իսպանիայում Ռեդ Մադրեի երիտասարդ միայնակ մայրերը ստացան կոշիկներ, մանկական սնունդ և խորհրդատվական աջակցություն: Մի մայր, որը միայն մանկասայլակ ուներ, հեռացավ բազմազան պարագաներով և հույսի նոր զգացումով։ Այս աջակցությունը թույլ է տալիս Ռեդ Մադրե կենտրոնին շարունակել իր առաքելությունը՝ փրկել նորածինների կյանքերը և հույս պարգևել կարիքավոր երիտասարդ մայրերին։

Հունգարիայում ուկրաինացի փախստական կանայք ամեն շաբաթ հավաքվում են միասին թխելու և նկարելու, որը ամոքիչ է բոլորի համար։ Միջոցառումն օգնում է նրանց հաղթահարել տրավման և վերագտնել դիմացկունությունը», - գրել է քույր Լու Դյուկը։ Դասերից մեկի ժամանակ նրանք պատկերեցին իրենց «երջանիկ բնակավայրը», ապա վերաիմաստավորեցին այն անհաջողություններից հետո։ «Հեշտ է նկարել և երազել», - ասել է քույր Դյուկը։

Ֆրանսիայում Սփոփող Միության միջոցառմանը մասնակցող կանայք ստացան հուզական առողջությանը նպաստող ուղղորդում և ռեսուրսներ։ Շատերը ցանկություն հայտնեցին ավելի շատ աջակցություն ստանալ իրենց ծխերից։ Մի կին ասել է. «Ես ինձ ավելի ուժեղ եմ զգում՝ իմանալով, որ մենակ չեմ։ Այս օժանդակ միջոցները օգնում են ինձ հավատքով դիմավորել յուրաքանչյուր օրը»։

Այս կանայք՝ մայրերը, դուստրերը, փախստականները, փրկվածները, չեն կենտրոնանում իրենց փորձությունների վրա։ Նրանք ոտքի են կանգնում՝ աջակցվելով Հիսուս Քրիստոսի ավետարանով և մարդկանց բարությամբ։ Ինչպես սովորեցրել է նախագահ Ռասսել Մ. Նելսոնը. «Տերը սիրում է ջանքը, որովհետև ջանքը բերում է պարգևներ»։

Ցանկանո՞ւմ եք աջակցել ինչ-որ մեկին այսօր։ Գտեք տեղական որևէ ապաստարան, նվիրաբերեք մի որևէ գործի համար կամ պարզապես առաջարկեք լսել նրանց։ Ձեր ջանքերը կարող են լինել ինչ-որ մեկի աղոթքի պատասխանը։