Faaseega mo Agaga: La, Oneone, Faase‘e i Galu, ma le Faasaoina o Agaga

I le talafatai i sautesasae o Ausetalia e i ai le itulagi matagofie o Coffs Harbour. Ua lauiloa i ona atumauga taavalevale, o vaomatua, matafaga, ma tulaga matagofie o le tau mo faaseega i galu. Ua lauiloa foi i le faia ai o le tauvaga faaletausaga o le Tauvaga a le Au Faasee Galu.

Sefuluiva tausaga talu ai, na tonu ai i ni nai tagata o Le Ekalesia a Iesu Keriso o le Au Paia o Aso e Gata Ai e amata se tauvaga a le au faasee galu e fesoasoani ai i nai tamaiti o le tupulaga sa tauivi i le olaga. 

I le lalolagi o faaseega, sa i ai se tulafono e lei tusia e faapea afai o feagai se tasi ma se faaletonu i le sami, e te tuua mea uma ina ia fesoasoani ai. O le tulaga lenei, sa latou amata ai se tauvaga faaseega e fesoasoani ai i nei tama.

Sa latou mulimuli foi i aoaoga a Iesu Keriso sa aoao mai ai e faapea “. . . pe afai e i ai i se tagata ni mamoe se selau, ma e tasi ua leiloa, pe le tuua ea e ia le ivasefulu ma le iva . . . ae saili i le ua leiloa? (Mataio 18:12).

Fai mai Garth Mackie, o se tasi o i latou na faavaeina le tauvaga, “E taitasi i le tausaga e mafai ai ona matou faapotopoto o ni tagata faasee, e le gata ina fefaasoaai ai lo matou fiafia i le ami, ae e fefaasoaai ai foi o matou talitonuga ma fefaamalosia‘i ai le tasi ma le isi.”

O lea gaoioiga e mafai ai e le au faasee o vaitausaga uma ona tauva i se taaloga ua latou fiafia i ai, a o faaaluina se taimi ma tagata o lo latou faatuatuaga ma uo faalenuu. O tagata auai e o mai le salafa o Ausetalia, i le tausaga nei, e toatasi le tagata tauva mai Pasila.

O le tauvaga o faaseega i faia i le Aso Tofi, Aso Faraile, ma le Aso Toonai. E faapotopoto le au tauva ma o latou aiga mo se faigalotu i le afiafi o le Aso Faraile, ma se siva faaleaiga i le Aso Toonai. O le tele o aiga, o le Tauvaga Faaseega o se taimi e toefaatasia ai aiga ma toefaafesootai ai faigauo na amatalia i le tele o tausaga.

Na fai mai Simon, o le ua silia ma le 16 taimi sa tauva ai i i Tauvaga Faasega, “Ou te fiafia lava e sau i le Tauvaga ona ou te faaalua ai se taimi ma tagata e fiafia i le sami ma Iesu Keriso. E vaaia ai e la‘u fanau ni tagata lelei, le au faasee lelei, ma tagata e alolofa i le Alii. A ou mafaufau i le Tauvaga ou te mafaufau i le alofa, nuu, ma le talalelei a Iesu Keriso.”

Mo i latou e auai ai, e i ai se lagona o le alofa ma le taliaina o lou ituaiga o tagata. O le tauvaga o se faataitaiga silisili o le siitiaina o isi e ala i le mulimuli i aoaoga a Iesu Keriso “ia alofa i lou tuaoi e pei o oe lava ia te oe” (Mataio 22:39).