Kajoor in Oktak eo an Jerbal in Tampeļ

Iaar jinoin iioon Paul Coward ilo Sydey ilo 2000 ke baam̧le eo aō im n̄a kar em̧m̧akūt jān Perth n̄an jerbal. Ilo iien eo, Paul eaar jerbal āinwōt juon Sydney Australia Greenwich Stake Būreejtōn ke eaar barāinwōt jerbal āinwōt juon Director n̄an Temporal Affairs n̄an Pacific Eria. Ilowaan juon iiō, iaar kūr bwe in juon rikakpilōklōk ilo bisoprik eo ekāāl, ekar kepaaktok kōm. Juon iiō emootļo̧k, iaar kam̧m̧oolol kake ejjab wōt tōl eo an ak an wūjlepļo̧k n̄an jerbal in tampeļ.

Paul eaar retire jān jikin jerbal ilo 2020 eo im kiiō ej jerbal ilo Hamilton New Zealand Tampeļ eo ej kab peļļo̧k ippān kōrā eo ippān, Julie. Ilo an ļōmņake ļo̧k en̄jake in an āinwōt juon bisop, stake būreejtōn, mijen būreejtōn Eria Jiljilimjuonn̄oul, im Tōreektōr n̄an Tempel Affairs, eaar kile en̄jake ko eaar būki ilo jetōb. Ilo an kar kūr kein kōkajoor e make, membōr ro retiljek raar im̧we Paul ro raar kalōk aelōn̄ in kiin̄ eo an Anij ioon laļin kōn jerbal in tampeļ.

Juon en̄jake eo ejjab jemļo̧k eaar itok n̄an e. Ke eaar jerbal āinwōt juon Eria Jiljilimjuonn̄oul, Paul eaar ekairiirļo̧k n̄an tampeļ ke eaar jeļā ke juon em̧m̧aan erūtto eaar jidik-jidik nam̧ōjtak. Eaar kalimjōk lōļļap eo, im ilo iien eo, Jetōb eaar unoojdikdik n̄an e, “Ej juon em̧m̧aan ekwojarjar.” Paul ejjan̄in kar iioon e m̧o̧kta, ak em̧m̧aan in ejjeļo̧k bōnbōn in. Aaet, eaar āinwōt Anij raņ eo ekwojarjar. Innām Paul eaar kile ke komro ej deļo̧n̄e ļo̧k m̧weeo im̧ōn Irooj, kōn m̧ōttan kwojarjar eo an ioom, eo kōm kar bōke ippām̧ ilo am̧ kar ro̧o̧l n̄an kapijuknen eo am̧.

 Kōrā eo ippān Paul, Julie, eaar bar jipan̄ e lo jerbal in jipan̄ ilo tampeļ eo ilo juon wāween eo em̧wilaļ ļo̧k. Jerbal eo an āinwōt juon Eria Jiljiljimjuonn̄oul eaorōk bwe en pād ilo aolep kweilo̧k ko an stake, im n̄e ej ro̧o̧ltok n̄an m̧weeo, Julie ekkā an kajjitōk, “ej et kweilo̧k eo?” Ekar uwaak, “em̧m̧an.”

Ke ekar kajjitōk, “ej et katak eo am̧?” ekar uwaak, “ij ļōmņak ekar em̧m̧an.” Ļōmņak eo an, Julie, ekar juon uwaak em̧m̧an, “ijeļā ekar lukkuun em̧m̧an, ijoke kwaļo̧k juon katak ilo lokatok eo ejjab pidodo.” Paul, eaar ilbōk ke eaar kōnono: “m̧ool in jerbal ej waļo̧k n̄e bōro ko rej im̧we, im jerbal eo an Irooj ej dedeļo̧k ilo m̧oko m̧ōn membōr im ilo m̧weeo m̧ōn Irooj.”

Aaet, Paul eaar errā. Eļan̄n̄e jej kōņaan pād ilo pein kōjparok ko an Rilo̧mo̧o̧r, jej aikuj etal n̄an tampeļ. Eļan̄n̄e jekōņņan kajoor n̄an bōk lo̧mo̧o̧r ilo mour ijo eutiejtata, n̄an anjo̧ jen m̧ōn ko an laļin, n̄an katakin im lōn̄aj ro rejitenbōro ippād, im n̄an pād ilo tariņae in an Irooj, jej aikuj in etal n̄an tampeļ.

Patron ro ilo tampeļ—rej ro jeid im jatid “rekwojarjar”—im rijerbal ro rewūjlepļo̧k ro rej jerbal n̄an aelōn̄ in kiin̄ eo an Irooj rej jo̧o̧ļ in laļ. Rej jetōb ko em̧ōj aer oktaktok, n̄an jirōklikattōt ilo tōmak. Rej lukkuun bōk bujen ko aer ilo m̧ool, mour kōn mour in pokake im wūjepļo̧k. Paul eaar jeļā kōn en̄jake eo an make bwe en̄in ej wāween eo n̄an dāpij wōt oktak ilo Jisōs Kraist im gospel eo An.

Oktak eo em̧ool ejjab jen itulik ak ebōk iien, aaet kōn tōmak. Katak ko raorōk, kain̄i ko, im bujen ko rej ta ko rej katōt kōj n̄an gospel in. Kabun̄jar emakijkij ilo tampeļ ej kōkāāl im kōkajoorļo̧k ad rikaļooraņ ilo elōn̄ wāween ko ejjeļo̧k juon men emaron̄.

Paul eaar kwaļo̧k an kam̧m̧oolol em̧wilaļ kōn naan in kam̧ool ko im jerbal in ekwojarjar an rijerbal ro an tampeļ im patron ro. Tōmak eo aer ej āinwōt juon kallim̧ur bwe mour in jetōb eo ej waļo̧k an kajoor ejjab ilo men bajjōk, ak ilo kwojarjar, jerbal ko reļam̧ ilo tampeļ. Bwe ilo tampeļ, M̧weeo Im̧ōn Irooj, em̧ool ijo kwojarjar eo em̧ool ej waļo̧k ie.