“COVID eo ekar Nan̄in Kabōjrak Ettōņak eo An kōn Tabernacle Choir,” Liaona, Jept. 2025.
COVID eo ekar Nan̄in Kabōjrak Ettōņak eo An kōn Tabernacle Choir
Make Iaan ilo iien quarantine ekar letok juon ekkatak eo em̧wilaļ: Iakwe āinwōt an Kraist n̄an juon eo emake iaan.
Ilo fall eo 2024, ālkin jidik iien kar kūr bwe in juon rikapilek doulul an eria ilo Europe Central Area eo, Laura Echarri Hermoso eaar itoitak elōn̄ļo̧k jen 5,000 maeļ ko (8,047 km) jen m̧weo im̧ōn ilo Pamplona, Spain, n̄an an al einwōt juon mōttan rilotok an Tabernacle Choir ilo Temple Square eo.
Liin ekar pād ilo Salt Lake City, Utah, USA jilu wōt raan ke ekar teej positive n̄an COVID-19 im kar make iaan. Jeraam̧m̧an eo an n̄an al ilo kumi in al eo n̄an Oktoba 2024 kweilo̧k eo eļap eaar nan̄in jab maron̄ bōke.
Ilo an ajimakeke im jenoļok ilowan hotel ruum eo an, liin ekar bukwelōlō im jar. Liin eaar kōjātdikdik kōn kōmour. Liin ekar kattar bwe en maron̄ in al. Liin ekar dāpij wōt an tōmak.
Juon Iiō Mokta
Ilo juon iien eo epen ke eaar jeraam̧m̧an an taktō in neji im jinen ekar en̄taan jen Nan̄inmej in Eppaļ, sister Echarri eaar lo apan̄ im jab kōņaan al āinwōt ke eaar bar bōke m̧okta. Ekar pen kōnke al eaar iien otemjej juon mottan eo eaorōk ilo mour eo an. “Ekar juon menin aikuj ikar iien otemjej bōke jen ke kar juon leddik,” liin ekar ba.
Sister Echarri (tuanmiin̄) ippān jinen, Maria.
Ke ej jar wōt, juon ļōmņak eaar itok bwe eaikuj in al ippān elōn̄ armej. Juon wiik tokālik, kar maron̄ ennaan jen juon rutiej an Kabun̄ in eo ekar intōriu ippān. “Ļeo ekar kōnono kōn juon būrojāāk in al ilo Kabun̄ in eaar jinoe im bwe raar kappukōt jet ri al ro,” Sister Echarri ekar ba.
Ļeo ekar jab ba kōttōpar eo, ak ālkin intōrpiu eo kein karuo, rutiej eo ekar kwaļo̧k bwe Kabun̄ in eka kōņaan jet rilotok ro rej al ippān juon Būrookūraam̧ an ro rej Bōk kunaer Peļaakin laļin ippān Tabernacle Choir eo.
“Im ikar jino in jan̄ kōnke ikar iaar jab jeļā ta eo en kar waļo̧k, ak ikar en̄jaake an Irooj kar pād ijen im bwe Irooj eaar ļōmņak kōn eō, im bwe eaar juon men me ikar, jab kōtmāne,” liin ekar ba.
Iaļ eo n̄an Kweilo̧k eo Eļap
Iien intōrpiu eo eaar ijjino wōt im ippen tok intōrpiu eo kein karuo jen ippān ro jet. Sister Echarri eaar aikuj in rekoote an make al im jilkin ļo̧k jet rekoot ko. Innām āliktata ekar bōk juon, iien bwebwenato ippān Tabernacle Choir associate music director Ryan Murphy. “Ikar lukkuun mijak,” liin ekar ba.
Lukkuun m̧ool, kar kāālet e ippān ro jet 13 peļaakin laļin n̄an al ilo kweilo̧k eo eļap, im ilo Jeptōm̧ba 2024, liin ekar iuwe ion juon baļuuņ n̄an United States. Ālkin tōprakļo̧k, liin eaar nan̄inmej in COVID-19 im iien eo in eaar jino an quarantine.
Ajimakeke ettoļo̧k jen m̧weo eaar letok juon katak em̧wilaļ: Rilo̧mo̧o̧r Enaaj letok aeņōm̧m̧an ilo iien ajimakeke ko an (lale Jon 14:26–27). “Iaar ļōmņak iban kar maron̄ kōm̧m̧ane,” lieo ekar ba. ”Ekar ļap aō kar ebweer, ijoke ekar wōr aō tōmak. Ilo ejja iien eo wōt, Ekar jab em̧m̧an aō mour. Kiiō juon iaan jipadpad ko aō ej n̄an pukōt ro im remaron̄ en̄jake ajimakeke im kajjieon̄ in leļo̧k kakkūje.”
Ālkin raan ko ralitōk in ajimakeke, ājmour eo an im anikien raar ājmour, im lieo ekar ekatak ippān kumi in al eo. Liin ekar maron̄ in al ippen buki armej ion jikin al eo ilo Conference Center eo im kar al ilo Oktoba 2024 kweilo̧k eo eļap.
“Anij emour. Ej ļōmņak kōn kōj, kajjojo iaad,” lieo ekar ba. “Al ej kōmour, ewōr an kajoor in kōmour, im jej aikuj kobrak mour ko ad kōn al. Elukkuun aorōk. Ij en̄jaake juon men me Irooj ej kajjieon̄ in jiron̄ eō: Tein̄i mour eo am̧ kōn al.”