“Kain̄i ko an Tampeļ rej Kobaik, Ekkeijel, im Liāp,” Liaona, Jept. 2025.
Katak kōn Tarlep in Mour an Ro Etto Ilo Mweo Im̧ōn Irooj
Kain̄i ko an Tampeļ rej Kobaik, Ekkeijel, im Liāp
Bwebwenato in jerbal an tampeļ ilo raan ko āliktata ej kwaļo̧k itok limo̧ im ļain-im bar-ļain revelesōn n̄an peptaij kōn ro remej.
Kōmeļeļe jān Dan Burr
Betsy King Duzette ekar tuwaak im m̧o̧o̧ņ n̄an den eo em̧ōļo ilo Mississippi River. Kōrā in 58-an-iiō emej pāleen im kar oktak jān Connecticut tokālik ekar peptaij kōn ro wulepān, jinen-ļeo pāleen, im jemān ļeo pāleen.
Rikanaan Josep Smith ekar katakin Armej ro rekwojarjar moktaļo̧k, ilo Okwoj 1840, kōn katak eo kōn peptaij kōn ro remej. Ilo aer itok limo, raar kōm̧m̧ane peptaij ko ilo reba eo, jen ke Nauvoo Tampeļ eaar jab dedeļo̧k. Kōrā ro raar peptaij kōn em̧m̧an ro im em̧m̧aan ro n̄an kōrā ro. Iien eo wōt, mekarta, Irooj ekar kwaļo̧k n̄an Josep Smith bwe peptaij kōn rūtto ro rejako ej aikuj in kar kōm̧m̧an ilo tam̧peļ ko em̧ōj aje (lale Katak im Bujen Ko 124:28–35). Im ilo 1845, Brigham Young eaar kwaļo̧k bwe kōrā ro rej aikuj in peptaij kōn kōrā im em̧m̧aan ro n̄an em̧m̧aan.
Ļeo pāļeen Betsy, Philemon Duzette, eaar mej jiljino iiō moktaļo̧k. Liin ekar peran ilo an etal n̄an den eo em̧ōļo bwe en peptaij kōn ro repaake me remej āinwōt n̄e an make. Ekoba kar peptaij kōn jab lukkuun jemān Pilemon, Jesse Peas, eo me eaar mej 50 iiō moktaļo̧k ke Betsy eaar juon leddik jidik. Liin emaron̄ in kar jab ioon ļeo ijoke ejeļā kajeen im etan im jemdoon eo an n̄an Philemon im jinen, Martha Wing. Betsy eaar jeļā kajeen Martha ke liin ekar mour.
Betsy ekar peptaij āinwōt ribōk jikin n̄an Jesse enan̄n iien eo wōt revelesōn eo kōn peptaij kōn ro remej. Im lieo im ļeo pāleen raar leļo̧k juon et n̄an juon ian ajri ro nejier ālkin Jesse. Lukkuun jemān Philemon, etan bar Pilemmon, ekar mej ke ļeo ekar nin̄nin̄, im Jesse Peas eaar jino an jab lukkuun jemān ke Philemon ekar jilu an iiō im kar jipan̄ Martha kajiririk e.
Jab lukkuun jinen im jemān eaar juon menin iminene ilo jon̄oulralitok-im jon̄oulratimjuon-bukwi ko ilo Amedka. Bōnbōn in jon̄an armej im jon̄an ripālele ekar meļeļein bwe elōn̄ armej kar mour ilo baam̧le ko rejjab lukkun aer ak baam̧le im jab lukkuun jemjein jemjatin. Āindein, kōbtaan ko an baam̧le eo an Duzette-Peas rekar kōm̧m̧ane ruo alen: jen ke jinen Philemon ekar m̧areik Jesse Peas im iien eo kein karuo kōn peptaij kōn rimej.
jin̄n̄a in jikin peptaij eo ilo jekjek eo an jinoin ilo Nauvoo Tampeļ
Lo̧mo̧o̧ren ro Rejitōn Bōro
Peptaij kōn ro remej ekar bōktok ekkeijel doon eo an armej ilo juon wāween me enaaj wōnmaanļo̧k wōt n̄an indeeo. Bwe lo̧mo̧o̧ren eo aer aikuji im eaorōk n̄an lo̧mo̧o̧ren eo ad, āinwōt Paul ej ba kōn ro jemān—bwe er ijello̧kwid reban maron̄ weeppān—im kōj ijello̧kun rimej ro ad jeban weeppān” (Katak im Bujen Ko 128:15).
Josep Smith ekar katakin bwe ijjelo̧kin wāween kōm̧m̧ane menin, laļ naaj den̄ļo̧ke kōn juon lia, juon men eo me enaaj leļo̧k laļ bwe en jorāān, kar kōm̧anm̧an kōn ejjeļo̧k un (lale Katak im Bujen Ko 128:17–18). Ilo ejja iien in wōt kar leļo̧k n̄an Josep revelesōn eo kōn kōn juon kajoor n̄an liāp aolep ajri ro nejin Anij n̄an doon n̄an indeeo.
Ilo kakobaba n̄an aorōk in kain̄i ko an ribōk jikin ilo etan ro uwaan baam̧le eo im remej, Josep āinwōt ekar ba bwe eo emour ej bar jipan̄: “Im kiiō, m̧aan im kōrā ro jeiū im jatū rejitōnbōro, in kam̧ool n̄an kom̧ bwe erkein rej pedped ko kōn ro remej im ro remour im reban maron̄ watōki bajjek im eļļā jāni, āinwōt aer ekkejelļo̧k n̄an lo̧mo̧o̧ren eo ad” (Katak im Bujen Ko 128:15).
N̄an Josep Smith, revelesōn kein raar lukkuun aorōk. Ļaddik eo jein erūtto tata, Alvin, ekar mej ilo 1823, im Josep ekar en̄jake būrom̧ōj ilo mour eo an. Ilo juon revelesōn 1836, Josep eaar bōk juon visōn kōn “aelōn̄ in selestial an Anij, im aiboojoj eo ijo” im “tar-jān-jon̄an wōj eo an kōjām eo” im “iaļ ko rewōj an aelōn̄ in kiin̄ eo.” Ilo ioļapļapin visōn in ekilep kōn aelōn̄ in selestial, ekar bar loe kajojo membōr in baam̧le eo ejeļā im kar iakwe, ekoba brother eo an Alvin. Ekar “ilbōk” bwe Alvin, eo me ejjan̄in kar peptaij, eaar juon rijolet “ an aelōn̄ in selestial an Anij.” (Lale Katak im Bujen Ko 137:1–6.
Mokta jen Foundasōn eo an Laļ
Ekkeijel in ikōtaan rimour im rimej ro rejitōnbōro ej kwaļo̧k juon dettan kwojarjar in lo̧mo̧o̧r an armej, n̄an ro raar “mej ilo ejjeļo̧k jeļā kōn gospel eo” (Katak im Bujen Ko 128:5) kar jeļā im juon iaļ n̄an lo̧mo̧o̧r eo aer kar letok mokta jen aer itok n̄an laļ. Ilo m̧ool, peptaij kōn ro remej ekar jutak n̄an “lo̧mo̧o̧ren eo aer jān m̧okta jān foundasōn eo an laļ” (Katak im Bujen Ko 128:8). Revelesōn kōn peptaij kōn ro remej kar itok ālkin revelesōn ko kōn kain̄i in liap eo. Liāpe ajri ro n̄an ro jinen im jemen eaar erom juon kōttōpar in kain̄i me kar letok me ej kobaik aolep ro raar mour (lale Katak im Bujen Ko 138:47–48).
Ilo juon kōnono em̧m̧an ilo kweilo̧k eļap jān Elder Dale G. Renlund jān Doulul eo an Jon̄oulruo Rijilōk ro kar kōmeļeļeiki kajoor in ekkeijel ko an liāp eo:
“Anij, ilo maron̄ eo an eļap, ej liāpe im kōmour kajjojo armej im baam̧le ko mekarta būrom̧ōj, jako, im wāween ko reppen. …
“… Jān katok in pinmuur eo An, Jisōs Kraist ej letok kōjeraam̧m̧an kein n̄an aolep, jim̧or ro remej im ro remour.”
Āinwōt an Betsy King Duzette kar tōmak im kar lōke ke ekar tuwaak im m̧o̧o̧ņ ilo Missippi River ilo etan eo ejjab lukkuun jemān-ilo-kien, kōj, aoleped wōj, maron̄ in konneek, liāp, likwōj, im kobaik ippen doon indeeo.