“Ij Kōņaan Bwe in Āinwōt Kwe,” Liaona, Jept. 2025.
Ainikien Armej ro Rekwojarjar ilo Raan Ko Āliktata
Ij Kōņaan Bwe in Āinwōt Kwe
Ikar en̄jake eļap inepata ej itok jen mijak kōn jab jejjet—mae iien ikar jar.
Kōmeļeļe jān David Malan
Ālkin juon raan, epen im obrak kōn inepata ko im rej itok jen lale ajri jidik ro jilu, men ko de ikar kōņaan kōm̧m̧ani ej tutu im kaju kiki.
Ikar bōk kūtuwō im etal n̄an ruum̧ eo aō n̄an kakkije. Iien eo ne leddik eo nejim ļalem-iiō-dettan eaar itok im kakeejmej eō bwe eaar iien eo an in n̄an kajjojo allōn̄ intōrpiu armej me ļeo ippa im n̄a kar jino kōm̧m̧ane ippen im ļaddik eo-jilu-iiō dettan nejim. Kōm naaj kajjitōk ippāer kajjitōk ko kōn men ko rem̧m̧antata aer im ta eo em̧m̧an kōn kindergarten ak Kabun̄ in. Innām kōm naaj bar kekeememej er ke rej ajri ro nejin Anij im bwe kōmij iakwe er.
Iaar itok limo ilo kōnono kein, ijoke iaar lukkuun mōk n̄an kōm̧m̧an intōrpiu. Iar jino ba n̄an leddik eo nejū bwe kōm naaj kōnono ilju jota, ijoke ikar kile jon̄an aorōkin kōnono ko am n̄an e.
“Em̧m̧an,” ikar mōk ilo aō ba, “kojro tal ippān Baba.”
Kōmjeel jilu kar jijjet ion peet eo im kar jino bwebwenato. Ālkin an ļeo ippa kar etal jen ruum̧ eo jidik iien, ikar kajitūkin leddik eo nejim, “Ta eo kwoj kōnaan bwe kwon āinwōt n̄e kwonaaj rūttoļo̧k?”
Iaar jab pojak n̄an uwaak eo an: “Āinwōt kwe.”
Dānin kemjaaļaļ eaar toor jen meja, im būruwō ekar obrak kōn en̄jake. Iaar im̧we jen wāween eo leddik eo nejū eaar loe ippa, ak en̄jake eļap inepata ej itok jen mijak in jab jejjet. Ikar ļōmņak kōn aolep wūn ko ikar jab kōm̧m̧ane juon ļōmņak in waanjon̄ak n̄an ajri ro nejū, im ikar jeļā kōn m̧ōjņo ko aō.
Ālkin bon̄ōn eo ke ikar jar, ikar kajjitōk ilo m̧ool n̄an Jemedwōj Ilan̄ bwe en jipan̄ n̄a erom̧ juon waanjon̄ak em̧m̧anļo̧k n̄an leddik eo nejū im karbab ļo̧k in menin kautiej. Emōkaj, an kar obrak kōn en̄jake ko rekajoor in aenōm̧m̧an, kōjātdikdik, im iakwe. Ikar jino jeļā kōn kam̧oolol eo Jema Ilan̄ im Rilo̧mo̧o̧r raar letok n̄an n̄a kar kapidodoik bwe in juon mama eo eaar kajjieon̄ in em̧m̧aanļo̧k. Raar kile jerbal ko aō rem̧m̧an im kar pād ijen n̄an jipan̄ n̄a erom̧ juon m̧am̧a im leddik nejin me Rej loe ilo n̄a.
Ijeļā kōn aolepen būruwō bwe Anij ejeļā im ej iakwe kōj im bwe kōn “kajoor eo ej Pinm̧uur eo an Rilo̧mo̧o̧r,” jej maron̄ erom̧ ro me jej kōjātdikdik n̄an erom̧.