“Irooj ekar jittōn̄ baam̧le eo bwe en basic iunit eo an Kabun̄ in im an doulul.”
Iumin taujin iiō, rikanaan ro im rijilōk ro raar kwaļo̧k kwojarjar eo an baam̧le im kar kakkōl kōn jorrāān ko rej waļo̧k ion kajojo armej, laļ ko, im laļin eļan̄n̄e baam̧le ko rejjab kōjeparok im oņaake er. Errein jet ian naan in im̧we ko jān rikanaan ro im rijilōk ro kōn baam̧le eo im aorōk eo an “Baam̧le Eo: Juon Naan in Kean̄ n̄an Laļin.”
baam̧le eo ej dilepen karōk eo an Anij
Būreejtōn Russell M. Nelson
Būreejtōn eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata
Lukkuun aorōk eo n̄an karōk eo an Anij ej baamle. Ilo m̧ool, juon ian jipadpad eo an karōk eo ej n̄an an baam̧le eo mour ijo ilōn̄tata. Kar kōm̧anm̧an laļin bwe kōj einwōt ajri in jetōb ro nejin Jemedwōj Ilan̄ mokta ren maron̄ itok n̄an laļin im bōk ānbwin ko. Jej pād ijin n̄an mālejjon̄e im lale [lale Ebream 3:24–25 ]. Jej pād ijin n̄an ‘kālōt anemkwoj im mour indeeo … ak n̄an kālōt kōm̧akoko im mej’ [2 Nipai 2:27 ]. Im eo em̧m̧antata, jej maron̄ in iakwe, im m̧are, im karuwainenetok ajri n̄an baam̧le ko ad” (“Faith and Families ,” Ensign , Mar. 2007, 39).
Baam̧le Eo Juon Kean̄ n̄an Laļ in Ekar Jutak Ion Katak Eo Indeeo
Būreejtōn Dallin H. Oaks
Rikakpilōklōk eo Kein Kajuon ilo Būreejtōnji eo Kein Kajuon
“Ro rejjab lukkuun meļeļe karōk eo an Jemed eo ej iakwe n̄an ro Nejin emaron̄ lale kean̄ eo an baam̧le eļap jen baj kakien in ennaan eo eaikuj in oktak. N̄an keidi, jej kapene bwe kean̄ eo kōn baam̧le ej kōmeļeļeik kain jemjerā ko an baam̧le me m̧ōttan eo aorōktata an ad eddōkļo̧k indeeo emaron̄ waļo̧k” (“Iakwe eo Ekwojarjar ilo Karōk eo an Jemed ,” Liaona , Māe 2022, 103).
Mour in Baam̧le ilo Mour in ej Kepooj Kōj n̄an Indeeo
Būreejtōn Henry B. Eyring
Rikakpilōklōk eo Kein Karuo ilo Būreejtonji eo Kein Kajuon
“Baam̧le iunit ejjab wōt pedped n̄an doulul im n̄an Kabun̄ in ak n̄an ad kōjātdikdik n̄an mour indeeo. Jej jino in kōm̧m̧an im dāpij bujen ko ilo baam̧le eo, iunit eo edik, ta eo enaaj ajeeded n̄an Kabun̄ in im doulul eo jej mour ie ilo laļin innām ta eo ālkin ad kōm̧m̧ane ilo baam̧le ko ej kobaik ippān doon n̄an indeeo kōn bujen im lukkuun tōmak” (“The Family ” [Brigham Young University devotional, Nov. 5, 1995], 8, speeches.byu.edu).
“Ikdeelel in kōņan an armej ej kōjparoke wōt n̄an juon ripālele em̧ōj aer m̧are kōnke ej kōkaļļe eo eļap tata an lukkuun juon wōt, kōn aolepān im kōn juon wōt kar kapiti jān Anij. Jān Jikin Kalib in Iden maanļo̧k, mare eaar n̄an meļeļe in kobatok eo edipio an juon em̧m̧aan im juon kōrā—kōņaan ko aer, kōjātdikdik, mour, iakwe, baam̧le, ilju im jekļaj, aolep men. … En̄in ej juon ippān doon eo dipio me jej kōjerbal naan eo liāp n̄an kwaļo̧k kallim̧ur ko an indeeo” (“Personal Purity ,” Ensign, , Nov. 1998, 76; Liahona , Jan. 1999, 91).
Rilo̧mo̧o̧r Emaron̄ Kōmour Jemjerā eo An Jinen im Jemen im Ajri eo
Elder Dieter F. Uchtdorf
Jān Doulul eo an Jon̄oulruo Rijilōk ro
“Iakwe an pāāren ro n̄an ajri eo ej juon kipel eo ekajoor ilo laļin. Ej juon iaan jejjo̧ men ko ioon laļin em̧ool enaaj indeeo.
“Kiiō, bōlen kwoj ļōmņak jem̧jerā eo am̧ ippān ajri eo nejum̧ edik. En̄in ijo kajoor eo an Rilo̧mo̧o̧r ej itok ie. E ej kōmour rinan̄inmej, im E emaron̄ kōmour jem̧jerā ko. E eaar kalōn̄ļo̧k pilawā im ek, im E emaron̄ kalōn̄ļo̧k iakwe im m̧ōņōņō ilo m̧weeo im̧ōm̧” (“Jisōs Kraist Ej Kajoor n̄an Pāāren Ro ,” Liaona , Māe 2023, 56).
Kakajoorļo̧k Liin̄ ko an Baam̧le, Men̄e Jet Remaron̄ Kar Rub
Elder David A. Bednar
An Doulul eo an Jon̄oulruo Rijjilōk ro
“N̄an kom̧ [rūm̧m̧an ded ro] me em̧ōj aer en̄jaake metak in jepel ilo baam̧le eo ami ak kar en̄jaake jorrāān in kakkure lōke, jouj kemeemej bwe ej bar ijino ibam! Juon korak ilo kōtaan eo an epepen ko am̧ emaron̄ in kar tum, ak kōkeitak ko rōwenōk ekoba ko rej mōttam wōt kōtaan in rebareinwōt aorōk n̄an indeeo. Komaron̄ kōkajoorļo̧k kōtaan eo am ak bolen bar jiban kōkōmanmanļo̧k kōkeitak ko rerub. Jerbal eo enaaj kattōprak juon ilo juon“ (“A Welding Link ” [nokon eo an rūm̧m̧an ded ro peļaakin laļin, Jept. 10, 2017], Gospel Library).
“Kōrā ro im em̧m̧aan ro ewōr aer jerbal ko rejej uwaer āinwōt kar kōlaajraki ilo “Baam̧le Eo: Juon Naan in Kean̄ n̄an Laļ in,’ bōtaab jerbal ko aer rej jokkun wōt juon ilo tokjān im aorōkin. Kajoor eo aer ej jokkun wōt juon n̄an bōk revelesōn n̄an baam̧le eo aer. N̄e rej jerbal ippān doon ilo iakwe im jim̧we, jokāālet ko aer rej kōjeraam̧m̧an an lan̄.” (“Iakwe Eļap n̄an Ajri ro Nejin Jemedwōj ,” Liaona , Māe 2019, 79).
Jinen im Jemen rej Aikuj Tōl Ajri ro n̄an juon Kōjātdikdik ilo Kraist
Elder D. Todd Christofferson
Jān Doulul eo an Jon̄oulruo Rijilōk Ro
”Anij eaar kapit bwe em̧m̧aan ro im kōrā ro rej aikuj m̧are im keotak ajri ro, kōn menin ejake, ilo m̧ōttā ippān Anij, ānbwin ko ilo kanniōk me rej kii eo n̄an mālijjon̄ eo an mour wabanban im emenin aikuj n̄an aiboojoj indeeo eo Ippān. Eaar barāinwōt kapit bwe ro jinen im jemen rej aikuj ejake baam̧le ko im kōkajririk ajri ro nejier ilo meram im m̧ool [lale Katak im Bujen Ko 93:36–40 ], eo,ej tōļļo̧k er n̄an juon kōjatdikdik ilo Kraist” (“Why Marriage, Why Family ,” Liaona , Māe 2015, 51).
Pedped in Katak ko an Naan in Kean̄ eo an Baam̧le Rej Ekkejel ilo Aiboojoj
Elder Neil L. Andersen
Jān Doulul eo an Jon̄oulruo Rijilōk ro
“Eļan̄n̄e jej bōk im kāālet ta eo jej bōke ilo naan in kean̄ eo, jej kōtarpok kalimjōk indeeo eo ad, kanooj likūt eļap aorōk ilo en̄jake eo ad ijin im kiiō. Lukkuun kejekļo̧kjeņ kōn naan in kean̄ eo kōn mejān tōmak, em̧m̧anļo̧k ad meļeļe ekōjkan an pedped in katak ko kanooj aiboojoj kakkejeli, rejtake doon, kwaļo̧k karōk eo an Jemed n̄an ajri ro Nejin” (“Mejān Tōmak ,” Liaona , Māe 2019, 35–36).