“Kar Kōjeraam̧m̧an jān Mālim an Priesthood im Kajoor,” Liaona, Jept 2025.

Kar Kōjeraam̧m̧an jān Mālim im Kajoor an Priesthood

Jān Elder D. Todd Christofferson

Jān Doulul eo an Jon̄oulruo Rijilōk ro

Membōr ro an Kabun̄ rej kōjerbal kajoor an Anij ilo jerbal im kōjeram̧an ro jet ilo Kabun̄ in, ilo m̧weeo, im aolepān laļ in.

Kam̧ool eo ad n̄an laļ in ej bwe priesthood in ekwojarjar an Anij eaorōk ilo kōttōprak jerbal in lo̧mo̧o̧r eo An im mour ijo ilōn̄tata, bwe Eaar kajepļaak tok prieshtood eo n̄an laļin n̄an un in, im bwe menin en kōm̧m̧an jān Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Men ko Remennin Aorōk an Mālim im Kajoor an Priesthood

Jisōs Kraist e ej jeban Kabun̄ in. Kabun̄ in ej juon kein jerbal Eaar ejaake n̄an kōtōprak jerbal eo eaorōk n̄an pinm̧uur armej ilo tōreān gospel in āliktata āinwōt ilo tōreān eo ke Eaar mour ioon laļ in. Ilo Kabun̄ in:

E emaron̄ kwaļok gospel eo An ipeļaakin laļ in.
E emaron̄ letok peptaij im aolep bujen ko jet—em̧ool juon iaļan bujen n̄an aelōn̄ selestial eo An.
E emaron̄ kobaik baam̧le ko n̄an indeeo.
E emaron̄ letok menin letok ko an lo̧mo̧o̧r, em̧ool n̄an ro remej raar jab būki.
E emaron̄ jerbal in karejar n̄an aikuj ko ilo kanniōk an ajri ro nejin Anij ilo rainin.

N̄an kōttōbrak un kein reutiej, im n̄an pojak n̄an jepļaaktok eo an Rilo̧mo̧o̧r, Kabun̄ in ej wōnmaanļo̧k wōt in aikuji tōl, mālim, im kajoor an Anij. Kabun̄ in ej “kabun̄ eo wōt em̧ool im emour ” (Katak im Bujen Ko 1:30) kōnke Kraist ej koorļo̧k menin kōn An tōl im kajoor kōn priesthood eo An, “Priesthood eo Ekwojarjar, ālkin laajrak eo an Nejin Anij” (Katak im Bujen Ko 107:3).

Eļan̄n̄e priesthood in ekwojarjar en kar jako jān Kabun̄ in, enaaj kar aorōk bwe Kabun̄ in en juon doulul in jab m̧ōnjar, kōm̧m̧an em̧m̧an ilo laļin ijoke m̧ōjņo n̄an kōttōbrak un eo eutiej in kōpooj m̧aan im kōrā ro nejin Anij n̄an lan̄lōn̄ kōn mour indeeo ilo imaan Mejān. Kōn priesthood in, im ki ko n̄an tōl jerbal in an priesthood in, ewōr jim̧or mālim im laajrak ilo Kabun̄ in.

“Ilo Kabun̄ in, aolep mālim an priesthood eo rej kōjerbali ium̧win tōl eo an ro me rej kabwijer ki ko an priesthood eo.

“Em̧m̧aan ro rōrreo uwaan Kabun̄ in rej bōk mālim eo an priesthood kōn leļo̧k im ekkapit an priesthood eo n̄an opij ko an priesthood. Aolep membōr ro an Kabun̄ in remaron̄ kōjerbal mālim in ijjitōn̄ eo ilo aer kōjenolo̧k ak kappeik er n̄an jipan̄ ilo kōttōbrak jerbal eo an Anij.”

Kōn ki ko an priesthood, kōttōpar ko an Irooj naaj iien otemjej kāālet moktata. Ejeļo̧k juon emaron̄ rejetake juon an make karōk me ejjab jokkin wōt juon ippān tōl eo An. Ejeļo̧k juon emaron̄ tōprak ilo priestcraft, kapukōt ļapļo̧k an juon im juon make.

Priesthood ej barāinwōt kōm̧m̧ane juon jerbal eaorōk ilo m̧ōko im̧ōn ro uwan Kabun̄ in. Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, kar katakin, “Pedped in katak eo me mālim eo an priesthood eo emaron̄ kōjerbale wōt ium̧win tōl eo an juon eo ej kabwijer kii ko n̄an jerbal jab eo ej kanooj aorōk ilo Kabun̄ in, bōtaab menin ejjab jerbal ilo baam̧le.” Baba ro rej tōl im kōjerbal priesthood eo ilo baam̧le eo aer—kapilek, kōm̧m̧an kweilo̧k ko an baam̧le, leļo̧k kōjeraam̧m̧an ko ak kemour an priesthood n̄an ro uwaan baam̧le ak ro jet, im ko jet—ilo ejeļo̧k tōl ak mālim jen juon eo ej kabwijer ki ko an priesthood.

“Ejja pedped in katak in wōt ej jerbal n̄e juon jemān ej jako im juon m̧am̧a ej ritōl an baam̧le eo. Liin ej tōl ilo m̧weo im̧ōn im ej kein jerbal n̄an bōktok kajoor im kōjeraam̧m̧an ko an priesthood eo n̄an baam̧le eo an kōn menin letok kwojarjar eo im liāp eo an ilo tampeļ.”

Jepļaaktok eo an Priesthood eo ilo Raan kein Ad

Māe 15, 1829

Jepļaaktok eo an mālim eo an priesthood ilo epepen in āliktata in bōk eddo ekar kōm̧m̧an ilo laajrak, jidik kōn jidik wōnmaanļo̧k. Ke pedped in jeje ko rekwojarjar n̄an epepen in āliktata, Bok in Mormon, eaar maron̄ in ukook ilo 1829, Irooj eaar jino karōk jerbal in priesthood eo An. Ilo uwaak e jar in kajjitōk eo an Josep Smith im Oliver Cowedery kōn peptaij, Jon Ripeptaij eaar waļo̧k im leļo̧k n̄an erro priesthood eo an Aron, eo ej “kabwijer ki ko an kōjeraam̧m̧an ko an enjeļ raņ, im an gospel in ukeļo̧k eo, im an peptaij jān tulo̧k n̄an jeorļo̧k in jero̧wiwi ko” (Katak im Bujen Ko 13:1). Kōn mālim in, Josep im Oliver raar peptaji doon im tokālik ro jet āinwōt an Kabun̄ eo kar jino in ejaak.

Jidik iien ālkin Māe 15, 1829

Jidik iien tokālik an Jon Ripeptaij waļo̧k, Rijilōk ro etto Piter, James, im Jon raar waļo̧k im leļo̧k eo eutiej ļo̧k, ak Melkisedek, Priesthood, ekoba “ki ko an aelōn̄ Aō, im juon tōrean an gospel eo n̄an … n̄ikiio in iien ko” (Katak im Bujen Ko 128:20; bar lale 128:20).

Eprōļ 3, 1836

Elōn̄ļo̧k mālim an priesthood kar aikuj raar itok ālikin iien eo, ilo Tampeļ eo ilo Kirtland, Moses, Elias, im Ilaija raar waļokļo̧k n̄an Josep im Oliver im kar leļo̧k n̄an er ki ko an aintok Israel im an jerbal eo ej io̧o̧kļo̧k n̄an tampeļ ko an Irooj (lale Katak im Bujen Ko 110:11–16).

Jōm̧ar in 1829–Eprōļ 1835

Revelesōn ko kiiō raar kōmālimi im kile ilo Katak im Bujen Ko rekar katakin Rikanaan eo Josep Smith kōn ekapit em̧m̧aan n̄an opij eo eutiej (Melkisedek) im m̧aanjāppopo eo an priesthood eo an (Aaron); iien eo an priesthood opiija ro, āinwōt bisop ro; im doulul eo an doulul ko an priesthood im ko̧o̧njeļ ko.

1835–1973

Tōl jān rikanaan ro ej wōnmaanļo̧k wōt in tōl doulul an priesthood im jerbal ilo Kabun̄ in. N̄an waanjon̄ak, doulul ko an Jijlimjuonn̄oul rekar ejaaki ilo iien eo Kirtland n̄an jipan̄ Doulul eo an Jon̄oulruo. Ālkin emmakūt eo eļap n̄an Rilik im ejjeplōklōk eo an membōr in Kabun̄ in peļaakin eria ko, doulul kein raar jittōn̄ n̄an jerbal ilo stake ko an Kabun̄ in.

1973–Rainin

Iumin jerbal ko an Būreejtōn Spencer W. Kimball (1895–1985), Ezra Taft Benson (1899–1994), im Gordon B. Hinckley (1910–2008), Jijlimjuonn̄oul ro im doulul ko aer raar jino jerbal iumin tōl eo an Doulul eo an Jon̄oulruo ro ilo ļābōļ eo eļap an Kabun̄ im ilo eria ko an Kabun̄ in. Doulul ko ilo stake ļābōļ raar tokālik kabōjrake. Rainin, Doulul ko an Jon̄oulruo in Ritōl ro Eutiej im Eria Jijlimjuonn̄oul ro rej jipan̄ Rijilōk ro “ilo kalōkļo̧k kabun̄ in im kajebwābweik aolep jerbal ko an ejja in wōt ilo aolep laļ ko” (Katak im Bujen ko 107:34). Elōn̄ļo̧k doulul ko an Jijlimjuonn̄oul remaron̄ in ejaake n̄e Kabun̄ in ej eddōkļo̧k.

Elder Christofferson ej iak-iakwe būratōr ro Sampson im Daniel Amako ilo Gambia, Rilikin Africa, ilo Pāpode 2022.

Priesthood: Kajoor Eo n̄an Kōjeraam̧m̧an

Ilo juon naan, un in mālim eo an priesthood im kajoor eo Jisōs Kraist eaar kōjepļaaktok ej n̄an kōjeraam̧m̧an. Ej kōtļo̧k an ro uwaan Kabun̄ in n̄an kōjerbal kajoor eo an Anij ilo jerbal im kōjeraam̧m̧an ro jet ilo Kabun̄ in, ilo m̧weeo, im aolepen laļin. Membōr ro rej koba ippān Rilo̧mo̧o̧r ilo katōprak jerbal in lo̧mo̧o̧r eo An im mour ijo ilōn̄tata, kōjerbal menin letok ko rekwojarjar im kajoor eļļā jen aer maron̄ n̄an jipan̄ aelōn̄ in lan̄ an Anij wōnm̧aanļo̧k ioon laļ (lale Katak im Bujen Ko 65:2, 5–6).

Irooj eaar kōmeļeļeik bwe “in eļapļo̧k [Melkisedek] priesthood ej kōm̧akūtkūti gospel eo im kabwijer ki in men ko rettino an aelōn̄ eo, em̧ool ki in jeļāļo̧kjeņ an Anij.

“Kōn menin, ilo kain̄i ko ie, kajoor in āinwōt anij ej waļo̧k.

“Im ijello̧kun kain̄i ko ie, im maron̄ eo an priesthood eo, akajoor in āinwōt anij ej jab waļo̧k n̄an armej raņ ilo kanniōk;” (Katak im Bujen Ko 84:19–21).

Kain̄i ko, em̧ool, rej jar ko kōm̧m̧ani an priesthood eo ak kwojkwoj ko me jej kōm̧m̧ane bujen ko ippān Anij, jino kōn peptaij im wōnmaanļo̧k wōt kōn bujen ko jej būki ilo im̧ōn Jeova. Ej kōn kōjeparok bujen kein bwe jen oktak jen “armej kōn piktoken” m̧aan im kōrā n̄an armej ro rekwojarjar (lale Mosaia 3:19) kōn jouj in pinm̧uur an Kraist im jim̧or jino in kajejjet im kakwojarjar—ejjeļo̧k ruōn im ejjeļo̧k libbijinjin—im̧an Anij (lale Katakin im Bujen Ko 20:29–31; 3 Nipai 27:16–20).

Kout in jān “Jepļaaktok eo an Tarlep in Gospel eo an Jisōs Kraist: Juon Naan in Kean̄ n̄an Laļ in Kōn Rūbukwi Iiō in Jepļaaktok Eo Juon Naan Kean̄ n̄an Laļ in,” jān Būreejtōnji eo Kein Kajuon im Ko̧o̧njeļ eo an Rijilōk ro Jon̄oulruo, rej kwaļo̧k tukadu in bwebwenato in:

“Jej kwaļo̧k bwe Kabun̄ eo an Jisōs Kraist im Armej ro Rekwojarjar ilo Raan Ko Āliktata, kar ejaake ilo Eprōļ 6, 1830, ej Kabun̄ eo an Jisōs Kraist ilo kar Kallim̧ur M̧oktata me em̧ōj an bar jepļaaktok. Kabun̄ in ej emjak ilo mour eo ewānōk an lukkuun ejm̧aan in jabōn em̧, Jisōs Kraist, im ilo Pinmuur eo An eļap im Jerkakpeje eo em̧ool. Jisōs Kraist ekar bar juon alen kūr Rijilōk ro im kar leļo̧k n̄an er mālim an priesthood. E ej karuwaineneik kōj aolep n̄an itok n̄an E im Kabun̄ eo An, n̄an bōk Jetōb Kwojarjar, kain̄i ko an lo̧mo̧o̧r, im bōk lan̄lōn̄ eo ejjeļo̧k jem̧ļo̧kin.”