“N̄an Tōre in Ad,” Liaona, Jeptōm̧ba 2025.
N̄an Tōre in Ad
Jiln̄uul iiō ko ālkin an kean̄ eo an baam̧le kar kean̄ laļin, pedped in katak ko ie rekwojarjar raar lukkuun jejjet im kar jerbal jen iien eo.
Būreejtōn Gordon B. Hinckley ej kōnono n̄an juon jarlepju ilo Santiago, Chile
Ilo Jeptōm̧ba 23, 1995, Būreejtōn Gordon B. Hinckley (1910–2008) ekar kwaļo̧k n̄an juon kobain sister ro ilo Doulul eo an Kōrā ro im kar kwaļo̧k kadkadin “Baam̧le Eo: Juon Naan in Kean̄ n̄an Laļ in.” Erkein rej laajrakin jet iaan naan in kakobaba ko an ilo tōre eo:
“Ij tōmak bwe aikuj in juon kōjeraam̧m̧an n̄an aolep ajri ro rej ļotak tok n̄an juon em̧ ijo ajri eo ej ruwainene, kajiririk, iakwe, im kōjeraam̧m̧ane kōn ro jinen im jemān, juon jemen im juon jinen, ro rej mour ilo m̧ool n̄an doon im n̄an ro ajri ro nejier. …
“Ilo an ļapļo̧k am̧ lukkuun rejetak ajri ro nejim ilo wāween ko an gospel eo an Jisōs Kraist, kōn iakwe im eļap kōtmāne, enaaj ļapļo̧k an naaj wōr aenōm̧m̧an ilo mour ko aer. …
“Ekanooj lōn̄ men ko rej ba wōt ke rem̧ool, ekanooj lōn̄ m̧oņ ko kōn jon̄ok ko im aorōk ko, ekanooj lōn̄ emejaja im ennaan n̄an kadikļo̧k an laļ in ettonoon, kōm eaar en̄jake n̄an kakkōl im kean̄.”9 N̄an maron̄ kadedeļo̧k kakkōl in kōm jen Būreejtōnji eo Kein Kajuon im Koonjel eo an Jon̄oulruo Rijilōk ro kiiō jeiki juon naan in kean̄ n̄an Kabun̄ in im n̄an laļ in āinwōt juon kwaļo̧k im bar kapene jon̄n̄ak ko, katak ko, im iminene ko rej konneek n̄an baam̧le eo me rikanaan ro, rilolo ro, im ribōk madenļo̧k ro an kabun̄ in kar āliji im kwaļo̧k aolepen bwebwenato in. …
“Kōmij kōketak aolep n̄an kanooj kōjeparok, ļōmņak, im jar im riiti naan in kean̄ in. Kajoor eo an jabdewōt laļ ej dim pedpedin ilowan baam̧le ko rej jokwe ilo m̧weo. Kōmij rōjan̄ armej ro am ijoko jabdewōt n̄an kakajoorļo̧k baam̧le ko aer ilo bujen ippen iminene kein.”