“Kwaar Kōm̧m̧an An Jibum̧ Mōņōņō,” Liaona, Jept. 2025.
Ainikien Armej ro Rekwojarjar ilo Raan Ko Āliktata
Kwaar Kōm̧m̧an An Jibum̧ Mōņōņō
Bubu eo an kajin eo aō ejeļo̧k an jeļā ewi ļap in menin letok eo an im meļeļein naan eo n̄an n̄a.
Pijain iien m̧are eo an jibun rijeje eo
Rūttoļo̧k ippen ro jinen im jemān me rej jab ron̄ļo̧kjeņ, ikar lukkuun jeļā bwe baam̧le eo aō eaar oktak. Ke iaar dik, ejeļo̧k juon ekar ukook n̄an ro jinō im jema ilo kweilo̧k ko ak makūtkūt an Kabun̄ in, innem eaar jab emakijkij am pād.
Iien otemjej ij en̄jake āinwōt juon rijojoļāār eo ej pukōt an deļon̄, kōņaan ta eo ewōr ippen ro jet ilo ward eo aō—juon baam̧le eo ej jar im katak ippen doon.
Itūrin jemļo̧kin iiō in senior eo aō ilo high school, mekarta kōm ekar jino niknik ļo̧k ilo Kabun̄ in. Jinō im jema raar liāp ilo Tampeļ eo ilo Mesa Arizona, im ruo iaan ajri ro emen jatū im n̄a kōm ekar liāp ippāer.
Ļalem iiō tokālik, iaar pojak n̄an bōk menin letok kwojarjar im m̧are ilo tampeļ eo. Bon̄ōn eo mokta jen aō liāp ilo tampeļ, ļeo jeiū erūttoļo̧k im lio ippen raar pād tampeļ eo n̄an ribōk jikin jerbal n̄an ro jinen im jemān jinō ilo maanjabpopo n̄an liāp eo aer raan eo tok juon. Jinō eaar juon me eaar oktak enan̄in 20 iiō ilo iien eo, im liin eaar kōņaan jino bwebwenatoon baam̧le eo an im jerbal an tampeļ.
Raan eo juon, ro jinen im jemān jinō raar liāp n̄an ippen doon, ļeo jeiū erūttoļo̧k im lio ippān āinwōt ribōk jikin. Eaar raan in m̧are eo aō, aeet, ijoke eaar kabwijer elōn̄ ļok aorōk n̄an n̄a. Ro jinen im jemān jinō, me ijjan̄in kar ioon er, raar jeere ippa rainin eaorōk.
Jet raan tokālik, ke ļeo ippa im n̄a kōm ekar kōppeļo̧k menin letok ko an m̧are eo, kōm ekar kōppeļo̧k juon menin letok ejenolo̧k jen eo rilikin bubu. Liin eaar juon kōrā in jar eo im eaar lukkuun epaake bubu. Menin letok in eaar juon pijain bubu ilo raan in m̧are eo an make. Juon kaat eaar itok ippen tok ej ba, “Jibum̧ elukkuun m̧ōņōņō ippam̧ im ej reilaļtok n̄an eok.”
In rilikin ejeļo̧k an jeļā ewi aorōkin ennaan eo n̄an n̄a. Liin ekar jab jeļā kōn jerbal an tampeļ me ekar kōm̧m̧an kiiō n̄an ro jinen im jemān jinō. Ikar jeļā ilo būruwō ilo tōre eo bubu eaar m̧ōņōņō ippa im m̧ōņōņō bwe baam̧le eo am emōj an jino ilo iaļ eo eaorōk an bwebwenatoon baam̧le im jerbal an tampeļ.
Kōm ekar juon baam̧le ej kiiō n̄an indeeo, ioon iaļ eo in aiintok rūtto ro ad im kar tōl jān jinō ilo kōjeraam̧m̧an baam̧le eo am ijo rejet in rōn̄el eo.