“Irooj Ear Tōl Eō N̄an Mweeo Im̧ō,” Liaona, Jept. 2025.
Ainikien Armej ro Rekwojarjar ilo Raan Ko Āliktata
Irooj Ear Tōl Eō N̄an Mweeo Im̧ō
Ke ikar ļoor juon unoojdikdik an jetōb bwe in bar rool n̄an Bolivia, Irooj ear tōl eō n̄an kōjeraam̧m̧an ko an baam̧le indeeo.
Pija jān David Malan
Ke ikar jerbale degree in taktō eo aō im katakin al ilo United States, ikar kajjieon̄ in mour kake gospel eo im en̄jake kareel eo an Anij ilo mour eo aō. Ikar ettoļo̧k jen m̧weeo im̧ō im jet iien en̄jake ajjimakeke, ak ikar en̄jaake iakwe eo An im anikien tōl ļōmņak ko aō.
Juon raan eaar itok juon en̄jake bwe ij aikuj jepļaak n̄an m̧weeo im̧ō ilo Bolivia. Jepļaak eaar jab juon kāāket me ikar kōm̧m̧ane epidodo. Men ko raar em̧m̧an. Ak ālkin jar, ikar en̄jake kajoor bwe ij aikuj bar jepļaak kōnke juon men eaorōk ekar kōttar eō.
Ālkin jepļaak eo aō, juon bachelor purokūraam̧ ilo al ekar peļļo̧k ilo juon iaan universities ko reppen, ijo iar loe juon jerbal āinwōt juon professor.
Ilo ward eo aō, ejjab etto ikar ioon juon jiron̄ ijjan̄in kar loe mokta. Jinen im jemān lio raar oktak tok n̄an Kabun̄ in ke ikar pojak in rool n̄an United States iiō ko moktaļo̧k. Komro ekar jino jeļā kajeen doon im kar mare, eo ekar juon kōjeram̧m̧an eļap ilo mour eo aō.
Ruo iiō remootļo̧k jibu ekar nan̄inmej kōn kāānjōr. Kōm̧ ekar lukkuun epaak. Ke iaar dik, liin ekijor kar jiron̄ eō, “Kwōnaaj iien otemjej pād ippa, im ijeļā kwōnaaj oņaake n̄a.”
Kōnke ikar jepļaak n̄an m̧weeo im̧ō, iaar pād ijen ke liin ekar aikuji n̄a, bōk aō iien ippān aolep raan ilo allōn̄ ko an āliktata. Liin eaar jab kobatok ilo Kabun̄ in mokta jen an jako, akō eaar em̧m̧an ippān Liaona māākjiin eo, Bok in Mormon eo, im kweilo̧k eo eļap. “Ij tōmak aolepen menin,” liin ekar ba.
Tokālik, ikar jeraam̧m̧an n̄an pād ilo Tampeļ eo ilo Cochabamba Bolivia ippen ro jinō im jema ke jibū eaar liāp n̄an ippen ļeo pāleen, me ekar jako ke ej likao. Ekar jab bar marre ālikin an jako kar ļeo pāleen. Ikar en̄jake aer pād ijo ilo tampeļ eo ippem, m̧ōņōņō im ippen doon bar juon alen. N̄an loe jinō im jema ilo ruum̧ in liāp eo jutak āinwōt ribōk jikier eaar juon loļo̧kjeņ eo eaiboojoj.
Jejjab jeļā elemen an men ko oktak ļo̧k ilo mour ko ad, ak Irooj wōt ejeļā ia eo jej aikuj pād ie. Ebarāinwōt jeļā ewi wāween kōjeraam̧m̧an kōj, im Enaaj tōl kōj n̄an jerbal ilo ijo jikin n̄an kōjeraam̧m̧an ro jet. Eļan̄n̄e jej kwaļo̧k ilo jeļāļo̧kjeņ eo An im tōl, ijeļā Enaaj kōm̧m̧an eļapļo̧k ilo mour ko ad jen ad maron̄ ilo kōj make.