Te fare o Iosepha ’e Emma Semita i Kirtland

I muri a’e i tō rāua fa’aeara’a i terā ’e terā fare i Ohio, ’ua fa’anu’u atu Iosepha ’e Emma Semita i roto i te hō’ē fare nō rāua iho i Kirtland, i te hope’a o te matahiti 1833. I’ō nei, ’ua fa’ari’i Iosepha i te mau heheura’a nō ni’a i te mau ’ohipa e rave rahi, mai te huru te fa’anahora’a o te ’āpo’ora’a teitei (Te Ha’api’ira’a Tumu ’e te mau Fafaura’a 102), te huru e tauturu i te feiā mo’a e māuiui ra i Missouri (Te Ha’api’ira’a Tumu ’e te mau Fafaura’a 103), te huru e ha’apa’o i te mau ’ohipa pae faufa’a a te ’Ēkālesia (Te Ha’api’ira’a Tumu ’e te mau Fafaura’a 104), ’e te huru e rave i te mau tōro’a o te autahu’ara’a (Te Ha’api’ira’a Tumu ’e te mau Fafaura’a 107).