Te ’Ēkālesia i Monetōria

’Ua tupu māite Te ’Ēkālesia a Iesu Mesia i te Feiā Mo’a i te mau Mahana Hope’a nei i Monetōria mai te taime mai ā ’a tāpae atu te mau misiōnare fa’aipoipo, i te matahiti 1992. ’Ua bāpetizohia te feiā fa’afāriu mātāmua i Monetōria i te matahiti 1993, ’e ’ua ha’amauhia te ’āma’a mātāmua i terā iho matahiti. I te matahiti 1995 ra, ’ua ha’amauhia te misiōni mātāmua. I teie mahana, tē vai nei i roto i te ’Ēkālesia i Monetōria :

• 12 400 melo (ti’ahapa)

• 2 titi, 24 pāroita ’e ’āma’a, 1 misiōni

• 1 hiero (e patuhia i Ulaanbaatar)

Te mau ha’amaita’ira’a pae vārua

Tē parau nei Munkh-Od Altansukh (i ni’a, i te pae ’atau), nō te titi nō Ulaanbaatar East : « E ’ohipa pae vārua hau a’e i te maita’i tā’u i ’apo mai nā roto i te mau ’ohipa mai te ’imira’a pāpa’ira’a mo’a, te tāvinira’a ia vetahi ’ē ’e te ha’amorira’a i roto i te hiero. ’Ua ’ite au ē, e tauturu mai te mau mea iti ’e te ’ōhie o te ’evanelia tei rave-tāmau-hia, ’ia haere i mua i te fa’ateiteira’a ra ’ei ’utuāfare ».