ផ្ទះរបស់យ៉ូសែប និងអិមម៉ា ស្ម៊ីធ នៅទីក្រុងខឺតឡង់

បន្ទាប់ពីស្នាក់នៅក្នុងផ្ទះផ្សេងៗជាច្រើននៅរដ្ឋអូហៃអូ ទីបំផុត យ៉ូសែប និង អិមម៉ា ស្ម៊ីធ បានផ្លាស់ទៅនៅផ្ទះផ្ទាល់ខ្លួនរបស់ពួកគេនៅទីក្រុងខឺតឡង់ នៅចុងឆ្នាំ១៨៣៣ ។ នៅទីនេះ យ៉ូសែបបានទទួលវិវរណៈអំពីរឿងជាច្រើន រួមទាំងរបៀបរៀបចំក្រុមប្រឹក្សាជាន់ខ្ពស់ផងដែរ ( គោលលទ្ធិ និងសេចក្តីសញ្ញា ១០២ ) របៀបជួយពួកបរិសុទ្ធដែលរងទុក្ខនៅរដ្ឋមិសសួរី ( គោលលទ្ធិ និងសេចក្តីសញ្ញា ១០៣ ) របៀបដោះស្រាយកិច្ចការហិរញ្ញវត្ថុរបស់សាសនាចក្រ ( គោលលទ្ធិ និងសេចក្តីសញ្ញា ១០៤ ) និងរបៀបបំពេញកិច្ចការបព្វជិតភាព ( គោលលទ្ធិ និងសេចក្តីសញ្ញា ១០៧ ) ។

« យើងជាព្រះអម្ចាស់បានលាតផ្ទៃមេឃ ហើយបានស្ថាបនាផែនដី គឺជាការដែលព្រះហស្តយើងធ្វើ ហើយគ្រប់ទាំងអស់នៅទីនោះសុទ្ធតែជារបស់ផងយើង ។

ហើយនេះជាគោលបំណងរបស់យើងដើម្បីផ្គត់ផ្គង់ដល់ពួកបរិសុទ្ធរបស់យើង ដ្បិតគ្រប់ទាំងអស់សុទ្ធតែជារបស់ផងយើង ។

ប៉ុន្តែការនេះត្រូវបានសម្រេចតាមមាគ៌ារបស់យើង » ( គោលលទ្ធិ និងសេចក្តីសញ្ញា ១០៤:១៤–១៦ ) ។