“7 Wei blong stap Glad long ol Miusik blong Insperesen,” Liahona, Maj. 2025.
Kam Folem Mi
7 Wei blong stap Glad long ol Miusik blong Insperesen
“Jusum samfala tabu hym. … “From we sol blong mi i glad tumas long singsing we i kam long hat” (Doktrin mo Ol Kavenan 25:11–12).
Pikja i kam long David Green
Truaot taem, miusik i bin wan impoten pat blong wosip long ol disaepol blong Jisas Kraes.
Fulap long ol krae long Ol Testeman oli ol singsing blong pres i go long Lod. Niu Testeman i rekodem se Jisas mo ol Aposol blong Hem, bifo oli go long Getsemane, oli bin singim wan hym tugeta(luk long Matiu 26:30). Mo ol hym oli mekem wosip blong yumi long ol sakramen miting blong yumi tedei i kam gud.
Blong stap gohed blong krietem niu hymbuk i naes, mo yumi save lukluk fored blong gat moa niu hym taem wok blong hem i stap kam antap. Be ol hym oli no ol kaen miusik ia nomo we i save givim insperesen long yumi. Gospel Laebri mo Sacred Music ap blong Jos oli gat plante defren kaen miusik blong lisin, i gat ol kwaea miusik kasem ol olgeta we oli plei hariap wetem glad, ol miusik we i folem stael blong miusik blong tedei (!i no minim se bae yu mas wan yut blong stap glad long ol Strive to Be albom!). Insaed long ol app ia, yu save faenem ol rekoding we oli leftemap yu mo i gat insperesen, plante we i tekem tu ol miusik long pepa, we yu save plei long hem o singsing yuwan.
Hem ia sam aedia blong helpem yu blong mekem ol miusik we i givim insperesen i kam pat long wosip blong yu long hom—iven sapos yu no gat trening long saed blong miusik:
-
Lisin long ol rekoding blong ol hym mo ol nara singsing we i givim insperesen truaot long wik. Oli save faenem long Gospel Laebri o Tabu Miusik app o insaed long Miusik Laebri long websaet blong Jos.
-
Faenemaot moa long ol stori blong hym mo lanem wanem nao i givim insperesen long olgeta.
-
Singsing long ol hym mo lanem ol defren pat taem yu stap yusum Miusik Pepa opsen long Sacred Music ap o long Jos websaet.
-
Lisin long Tabenakol Kwaea o Strive to Be long fevret program blong lisin long miusik blong yu (olsem YouTube, Spotify, Apple Music, Pandora).
-
Lanem blong plei ol hym mo ol nara singsing blong insperesen long piano o gita taem yu stap yusum miusik pepa o ol miusik not we oli putum tugeta insaed long Gospel Laebri o long Jos websaet.
-
Stadi mo tingting hevi long ol toktok blong ol hym mo ol singsing we i leftemap tingting.
-
Folem ol toktok blong miusik taem yu stap lisin long ol singsing we i kam long Tabenakol Kwaea long Tempol Skwea. Oli save faenem ol singsing long Youtube Janel blong kwaea.