“Stap Holemtaet ol Kavenan blong Yumi,” Liahona, Maj. 2025.
Stap Yusum Ol Magasin blong Jos
Stap Holemtaet ol Kavenan blong Yumi
Atikol blong Jos magasin blong manis i save helpem yu taem yu lukaotem blong “holemtaet ol kavenan” we yu bin mekem (Doktrin mo ol Kavenan 25:13).
Stap Lan aot long Magasin Ia
Harem Voes blong Heven
Long pej 2, Elda Neil L. Andersen blong Kworom blong olgeta Twelef Aposol i rimaenem yumi se noes blong wol i save prapa spolem gud yumi blong harem voes blong Spirit. ?I gat fasin blong prapa spolem gud, long laef blong yu, we i mekem i had blong yu konek wetem God? Yu save mekem wan gol long manis ia blong katemdaon ol fasin blong prapa spolem gud yu, olsem spenem moa taem blong stap wosip insaed long tempol, o mekem wan fast blong sosol media.
Helpem ol Narawan blong Kasem ol Blesing blong God
Atikol long pej 18 i stap toktok raon long hao ol memba blong Jos i save faenem glad mo blong stap pat long tempol blong Lod,nomata we yu mared o no. Wanem nao yu save mekem blong helpem ol sent blong andastanem mo kasem ol blesing we Papa long Heven i bin givim long evri pikinini blong Hem we oli kipim ol kavenan blong olgeta wetem Hem?
Kasem mo Luksave Revelesen
Ridim Atikol long pej 44 i kam long Elda Christophe G. Giraud-Carrier blong olgeta Seventi blong faenem faef aedia blong stap kasem mo stap luksave revelesen. ?Wanem pat long laef blong yu, we yu nidim gaed we i kam long God? Gat Tingting blong stap folem ol prinsipol we Elda Giraud-Carrier i tijim taem yu lukaotem insperesen long God long manis ia.