“Demokratik Ripablik blong Kongo,” Liahona, Maj. 2025.
Jos I Stap Ia
Demokratik Ripablik blong Kongo
Ol fas konvet long Demokratik Ripablik blong Kongo oli bin baptaes aotsaed long kantri bifo oli kambak long hom ples blong olgeta mo serem fet blong olgeta wetem ol narawan. Taem ol misinari oli kam long DRK long 1986, i bin gat ol grup blong ol konvet we oli stap mit finis evri wik. Oli bin krietem fas stek long 1996, mo long 2019 oli bin dediketem fas tempol blong kantri. Tedei, Jos Ia blong Jisas Kraes blong ol Lata-dei Sent long Demokratik Ripablik blong Kongo i gat:
-
(Kolosap) 115,000 memba
-
37 stek, 289 wod mo ol branj, 5 misin
-
1 tempol (Kinsasa) mo 3 we oli anaonsem (Lubumbasi, Kananga, mo Mbuji-Mayi)
Talem Tangkyu from Plan Ia blong Fasin blong Sevem Man
Taem Jon Lwamba blong Lubumbasi i stap sevem wan misin, bigfala brata blong blong hem i bin ded. Hem i talem, “I bin had tumas long mi blong mi akseptem from hem i fas man long famli blong mi blong i ded. Wetem help blong misin presiden blong mi mo olgeta skripja, Mi save akseptem, mo stat long dei ia, eksperiens ia i tekem mi kam kolosap long Sevya. Mi save Hem i bin girap bakegen, evri famli memba blong mi we oli bin ded bae oli girap bakegen .”