ការស្តារឡើងវិញនៃពិធីសាក្រាម៉ង់

ពិធីសាក្រាម៉ង់ត្រូវបានចែកនៅឯការរៀបចំនៃសាសនាចក្រដែលបានស្តារឡើងវិញ

នៅពេលដែលសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយត្រូវបានរៀបចំឡើងនៅក្នុងឆ្នាំ១៨៣០ ព្រះអម្ចាស់បានស្ដារពិធីបរិសុទ្ធដ៏ពិសិដ្ឋនៃពិធីសាក្រាម៉ង់នេះឡើងវិញ ។ ទ្រង់បានបញ្ជាប្រជារាស្រ្តរបស់ទ្រង់ឲ្យ « ជួបជុំគ្នាជាញឹកញាប់ ដើម្បីទទួលទាននំប៉័ង និងស្រាទំពាំងបាយជូរ ដោយនូវការចងចាំពីព្រះអម្ចាស់យេស៊ូវ » ( គោលលទ្ធិ និងសេចក្ដីសញ្ញា ២០:៧៥ ) ។

បន្ទាត់ពេលវេលានេះបង្ហាញពីរបៀបដែលពិធីសាក្រាម៉ង់ត្រូវបានធ្វើឡើងនៅក្នុងសម័យផ្សេងៗគ្នា ។ ទោះបីជាមនុស្ស និងទីកន្លែងផ្លាស់ប្តូរក៏ដោយ ក៏ពិធីស្រាក្រាម៉ង់នៅគ្រប់សម័យកាលជួយសិស្សរបស់ព្រះយេស៊ូវគ្រីស្ទ ចងចាំទ្រង់ជានិច្ច ហើយមានព្រះវិញ្ញាណរបស់ទ្រង់គង់នៅជាមួយនឹងពួកគេជាដរាបដែរ ។

	ព្រះគម្ពីរសញ្ញាថ្មី	ព្រះគម្ពីរមរមន	គោលលទ្ធិ និងសេចក្តីសញ្ញា	ជំនាន់របស់យើង	នៅពេលដែលព្រះយេស៊ូវគ្រីស្ទយាងមកម្តងទៀត
នរណា	ព្រះយេស៊ូវគ្រីស្ទ និងសិស្សរបស់ទ្រង់នៅទីក្រុងយេរូសាឡិម	ព្រះយេស៊ូវគ្រីស្ទ និងពួកសាសន៍នីហ្វៃ	យ៉ូសែប ស្មីធ និងសមាជិកដំបូងនៃសាសនាចក្រដែលបានស្តារឡើងវិញរបស់ព្រះយេស៊ូវគ្រីស្ទ	ពួកបរិសុទ្ធថ្ងៃចុងក្រោយនៅជុំវិញពិភពលោក	ព្រះយេស៊ូវគ្រីស្ទ និង « អស់អ្នកណាដែលព្រះវរបិតា [ របស់ទ្រង់ ] បានប្រទានដល់ [ ទ្រង់ ] ចេញពីលោកិយផង » ( គោលលទ្ធិ និងសេចក្ដីសញ្ញា ២៧:១៤ )
អ្វី	នំបុ័ង និងស្រាទំពាំងបាយជូរនៅក្នុងការនឹកចងចាំដល់ព្រះកាយ និងលោហិតរបស់ព្រះយេស៊ូវ ( សូមមើល ម៉ាថាយ ២៦:២៦–២៨; ម៉ាកុស ១៤:២២–២៤; លូកា ២២:១៧–២០ )	នំបុ័ង និងស្រាទំពាំងបាយជូរ នៅក្នុងការនឹកចងចាំដល់ព្រះកាយ និងព្រះលោហិតរបស់ព្រះយេស៊ូវ ( សូមមើល នីហ្វៃទី៣ ១៨ )	នំបុ័ង និងស្រាទំពាំងបាយជូរត្រូវបានប្រសិទ្ធពរដោយការអធិស្ឋានជាក់លាក់ដែលមាននៅក្នុង គោលលទ្ធិ និងសេចក្ដីសញ្ញា ២០:៧៧, ៧៩	ជាធម្មតានំបុ័ង និងទឹកត្រូវបានប្រសិទ្ធពរដោយការអធិស្ឋានជាក់លាក់ដែលមាននៅក្នុង គោលលទ្ធិ និងសេចក្ដីសញ្ញា ២០:៧៧, ៧៩	ការជួបជុំមួយដែលដឹកនាំដោយព្រះយេស៊ូវគ្រីស្ទ នៅពេលទ្រង់ « នឹងសោយពីផលផ្លែទំពាំងបាយជូរជាមួយនឹង [ យើង ] នៅលើផែនដី » ( គោលលទ្ធិ និងសេចក្ដីសញ្ញា ២៧:៥ )
ពេលណា	បានចាប់ផ្តើមនៅប្រហែល គ.ស ៣៣ នៅយប់មុនពេលព្រះយេស៊ូវគ្រីស្ទត្រូវគេឆ្កាង	បានចាប់ផ្តើមនៅប្រហែល គ.ស ៣៣ បន្ទាប់ពីការមានព្រះជន្មរស់ឡើងវិញរបស់ព្រះយេស៊ូវគ្រីស្ទ	បានចាប់ផ្តើមនៅពេលដែលសាសនាចក្រនេះត្រូវបានរៀបចំឡើងនៅថ្ងៃទី៦ ខែមេសា ឆ្នាំ១៨៣០	ជារៀងរាល់សប្តាហ៍នៅក្នុងការប្រជុំពិធីសាក្រាម៉ង់	នៅពេលដែលព្រះយេស៊ូវគ្រីស្ទយាងមកដល់ផែនដីម្តងទៀត
ទីកន្លែង	នៅក្នុង « បន្ទប់មួយធំខាងលើ » នៃផ្ទះមួយនៅក្នុងទីក្រុងយេរូសាឡិម ( ម៉ាកុស ១៤:១៥ )	នៅលើ « ដែនដីបរិបូរណ៍ » ( នីហ្វៃទី៣ ១១:១ )	នៅក្នុងផ្ទះរបស់វិតមើរ នៅភូមិហ្វាយែត ទីក្រុងញូវយ៉ក ស.រ.អា.	នៅក្នុងសាលាប្រជុំទាំងឡាយជុំវិញពិភពលោក	« នៅលើផែនដី » ( គោលលទ្ធិ និងសេចក្ដីសញ្ញា ២៧:៥ )
ហេតុអ្វី	ដើម្បីផ្តល់ឲ្យមនុស្សនូវឱកាសដើម្បីចងចាំព្រះយេស៊ូវគ្រីស្ទ និងដើម្បី « រំឭកសេចក្ដីសញ្ញារបស់ពួកគេ ដើម្បីលើកដាក់ព្រះនាមរបស់ព្រះអង្គសង្គ្រោះមកលើខ្លួនគេ ចងចាំទ្រង់ជានិច្ច ហើយគោរពតាមព្រះបទញ្ញត្តិទាំងឡាយរបស់ទ្រង់ » ។

ជញ្ជឹងគិត

តើការដឹងពីគោលបំណងនៃពិធីសាក្រាម៉ង់ពង្រឹងទំនាក់ទំនងរបស់អ្នកជាមួយនឹងព្រះយេស៊ូវគ្រីស្ទដោយរបៀបណា ?

« នៅពេលអ្នករាល់គ្នាទទួលទានសាក្រាម៉ង់ … ធ្វើឡើង ដោយភ្នែកស្មោះត្រង់ទាំងស្រុងចំពោះសិរីល្អរបស់យើង—ការចងចាំដល់ព្រះវរបិតា អំពីព្រះកាយរបស់យើង ដែលបានដាក់ចុះដើម្បីអ្នក និងអំពីព្រះលោហិតរបស់យើង ដែលបានច្រួចដើម្បីការផ្ដាច់បាបទាំងឡាយរបស់អ្នកនោះ » ។

—គោលលទ្ធិ និងសេចក្ដីសញ្ញា ២៧:២