សាធារណរដ្ឋប្រជាធិបតេយ្យកុងហ្គោ

អ្នកប្រែចិត្តជឿដំបូងនៅក្នុងសាធារណរដ្ឋប្រជាធិបតេយ្យកុងហ្គោ បានធ្វើបុណ្យជ្រមុជទឹកនៅក្រៅប្រទេសមុនពេលត្រឡប់ទៅស្រុកកំណើតរបស់ពួកគេវិញ និងចែកចាយសេចក្តីជំនឿរបស់ពួកគេជាមួយអ្នកដទៃ ។ នៅពេលដែលពួកអ្នកផ្សព្វផ្សាយសាសនាបានមកដល់សាធារណរដ្ឋប្រជាធិបតេយ្យកុងហ្គោក្នុងឆ្នាំ១៩៨៦ មានក្រុមអ្នកប្រែចិត្តជឿដែលបានជួបប្រជុំគ្នាជារៀងរាល់សប្តាហ៍រួចទៅហើយ ។ ស្តេកដំបូងគេត្រូវបានបង្កើតឡើងក្នុងឆ្នាំ១៩៩៦ ហើយព្រះវិហារបរិសុទ្ធដំបូងគេនៅក្នុងប្រទេសនេះបានឧទ្ទិសឆ្លងនៅឆ្នាំ២០១៩ ។ សព្វថ្ងៃនេះ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅសាធារណរដ្ឋប្រជាធិបតេយ្យកុងហ្គោមាន ៖

សមាជិកចំនួន ១១៥,០០០ នាក់ ( ចំនួនប្រហាក់ប្រហែល )
ស្តេកចំនួន២៧ វួដនិងសាខាចំនួន២៨៩ បេសកកម្មចំនួន៥
ព្រះវិហារបរិសុទ្ធ ១ ( គីនស្សាសា ) និងបានប្រកាសចំនួន ៣ ( លូបាំបាស៊ី, កាណាំងហ្គា និងប៊ូជី ម៉ាយី )

មានអំណរគុណចំពោះផែនការនៃសេចក្តីសង្រ្គោះ

នៅពេលដែល ចន ឡាវាំបា មកពី លូបាំបាស៊ី កំពុងបម្រើបេសកកម្ម នោះបងប្រុសរបស់គាត់បានទទួលមរណភាព ។ គាត់និយាយថា « វាពិបាកបន្តិចសម្រាប់ខ្ញុំក្នុងការទទួលយករឿងនេះ ព្រោះគាត់ជាមនុស្សដំបូងគេក្នុងគ្រួសាររបស់ខ្ញុំដែលបានទទួលមរណភាព ។ ដោយមានជំនួយពីប្រធានបេសកកម្មរបស់ខ្ញុំ និងព្រះគម្ពីរ ខ្ញុំអាចទទួលយកវាបាន ហើយចាប់តាំងពីថ្ងៃនោះមក បទពិសោធន៍នេះបាននាំខ្ញុំមកជិតព្រះអង្គសង្រ្គោះ ។ ខ្ញុំដឹងថានៅពេលដែលទ្រង់បានមានព្រះជន្មរស់ឡើងវិញ នោះសមាជិកគ្រួសាររបស់ខ្ញុំទាំងអស់ដែលបានទទួលមរណភាពនឹងរស់ឡើងវិញម្តងទៀត » ។