ការនៅជាប់នឹងសេចក្ដីសញ្ញាទាំងឡាយរបស់យើង

ស្ត្រីម្នាក់កំពុងញញឹមអង្គុយនៅលើជញ្ជាំងថ្ម

អត្ថបទនៅក្នុងទស្សនាវដ្តីសាសនាចក្រខែនេះអាចជួយអ្នកពេលដែលអ្នកខិតខំដើម្បី « នៅជាប់នឹងសេចក្ដីសញ្ញាទាំងឡាយ » ដែលអ្នកបានធ្វើ ( គោលលទ្ធិ និងសេចក្ដីសញ្ញា ២៥:១៣ ) ។

ការរៀនពីច្បាប់នេះ

ឮសំឡេងនៃស្ថានសួគ៌

នៅលើ ទំព័រ ២ អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ រំឭកយើងថា សំឡេងរំខាននៃលោកិយអាចរំខានយើងពីសំឡេងនៃព្រះវិញ្ញាណបាន ។ តើមានការរំខានអ្វីខ្លះនៅក្នុងជីវិតរបស់អ្នកដែលធ្វើឲ្យពិបាកក្នុងការភ្ជាប់ទំនាក់ទំនងជាមួយនឹងព្រះ ? អ្នកអាចដាក់គោលដៅនៅខែនេះដើម្បីកាត់បន្ថយការរំខានទាំងនេះ ដូចជាការចំណាយពេលថ្វាយបង្គំនៅក្នុងព្រះវិហារបរិសុទ្ធ ឬការធ្វើការផ្អាកពីប្រព័ន្ធផ្សព្វផ្សាយសង្គម ។

ជួយអ្នកដទៃទទួលបានពររបស់ព្រះ

អត្ថបទនៅលើ ទំព័រ ១៨ ពិភាក្សាអំពីរបៀបដែលសមាជិកសាសនាចក្រអាចស្វែងរកអំណរ និងភាពមានចំណែកនៅក្នុងព្រះវិហារបរិសុទ្ធរបស់ព្រះអម្ចាស់ ដោយមិនគិតពីស្ថានភាពអាពាហ៍ពិពាហ៍ឡើយ ។ តើអ្នកអាចធ្វើអ្វីបានខ្លះដើម្បីជួយពួកបរិសុទ្ធជាមិត្តរបស់អ្នកយល់ និងទទួលបានពរជ័យដែលព្រះវរបិតាសួគ៌បានប្រទានដល់បុត្រាបុត្រីរបស់ទ្រង់ទាំងអស់ ដែលរក្សាសេចក្តីសញ្ញាជាមួយនឹងទ្រង់ ?

ទទួល និងស្គាល់វិវរណៈ

សូមអានអត្ថបទនៅលើ ទំព័រ ៤៤ ដោយអែលឌើរ គ្រីស្តូហ្វី ជី ជីរ៉ត-ខារៀល-នៃពួកចិតសិបនាក់ ដើម្បីស្វែងរកគំនិតចំនួនប្រាំ សម្រាប់ការទទួល និងស្គាល់វិវរណៈ ។ តើផ្នែកណានៃជីវិតរបស់អ្នកដែលអ្នកត្រូវការការណែនាំដ៏ទេវភាព ? សូមពិចារណាអនុវត្តគោលការណ៍ដែលបានបង្រៀនដោយអែលឌើរ ជីរ៉ត-ខារៀល ពេលអ្នកស្វែងរកការបំផុសគំនិតមកពីព្រះនៅខែនេះ ។

ចូរមកតាមខ្ញុំ ការកម្សាន្តសប្បាយប្រចាំគ្រួសារ

គោលលទ្ធិ និងសេចក្ដីសញ្ញា ២០:៧៥–៧៩

នៅពេលសាសនាចក្រដែលបានស្តារឡើងវិញនៃព្រះយេស៊ូវគ្រីស្ទត្រូវបានរៀបចំឡើងនៅក្នុងឆ្នាំ១៨៣០ ព្រះអម្ចាស់បានណែនាំប្រជារាស្រ្តរបស់ទ្រង់ឲ្យ « ជួបជុំគ្នាជាញឹកញាប់ ដើម្បីទទួលទាននំប៉័ង និងស្រាទំពាំងបាយជូរ ដោយនូវការចងចាំពីព្រះអម្ចាស់យេស៊ូវ » ( គោលលទ្ធិ និងសេចក្ដីសញ្ញា ២០:៧៥ ) ។ អ្នកអាចសាកល្បងសកម្មភាពនេះជាមួយគ្រួសាររបស់អ្នក ដើម្បីស្វែងយល់បន្ថែមអំពីពិធីសាក្រាម៉ង់ ៖

សូមអានពាក្យអធិស្ឋានពិធីសាក្រាម៉ង់នៅក្នុង គោលលទ្ធិ និងសេចក្ដីសញ្ញា ២០:៧៧, ៧៩ ។ អ្នកអាចជួយកូនៗរបស់អ្នកយល់ពីពាក្យដែលមិនស្គាល់ដូចជា « ញែក … ចេញជាបរិសុទ្ធ »។

តើរឿងបីយ៉ាងណាដែលយើងសន្យាថាយើងនឹងធ្វើ ? តើព្រះអម្ចាស់សន្យាថានឹងប្រទានពរជ័យអ្វីខ្លះដល់យើងត្រឡប់មកវិញ ?
តើមានវិធីអ្វីខ្លះដែលយើងអាច « ចងចាំ … ជានិច្ច » ក្នុងអំឡុងពេលមួយសប្តាហ៍ ទាំងជាលក្ខណៈបុគ្គល និងជាគ្រួសារ ?
គ្រួសាររបស់អ្នកអាចនឹងចង់ព្យាយាមទន្ទេញពាក្យអធិស្ឋានពិធីសាក្រាម៉ង់ ។ អ្នកអាចប្រើជំនួយចក្ខុដើម្បីជួយ ។ ក្រោយមក សូមសួរសមាជិកគ្រួសារអំពីអ្វីដែលពួកគេបានរៀនមកពីការគិតអំពីពាក្យនៃការអធិស្ឋានពិធីសាក្រាម៉ង់ ។

មកពីទស្សនាវដ្តី ដើម្បីកម្លាំងនៃយុវជន

ការយកឈ្នះលើឧបសគ្គនៃការអធិស្ឋាន

ស្វែងរកគំនិតសាមញ្ញៗសម្រាប់ការយកឈ្នះលើឧបសគ្គទូទៅក្នុងការអធិស្ឋាន ។

ស្របនឹងព្រះវិញ្ញាណ

សូមអានគន្លឹះទាំងនេះដើម្បីជួយយុវវ័យស្វែងយល់ពីរបៀបដែលព្រះវរបិតាសួគ៌មានបន្ទូលទៅកាន់ពួកគេតាមរយៈព្រះវិញ្ញាណបរិសុទ្ធ ។

អាថ៌កំបាំងដើម្បីកុំឲ្យបរាជ័យម្តងទៀត

ជួយយុវវ័យផ្លាស់ប្តូរទស្សនៈរបស់ពួកគេលើការបរាជ័យ និងការខកចិត្ត ។

យុវវ័យអ្នករាំគ្រវីភ្លើង

សូមរីករាយជាមួយដំណើររឿងដែលមើលឃើញអំពីយុវវ័យអ្នករាំគ្រវីភ្លើង នៅរដ្ឋហាវ៉ៃ ស.រ.អា. និងអ្វីដែលពួកគេរៀនអំពីដំណឹងល្អតាមរយៈទេពកោសល្យពិសេសរបស់ពួកគេ ។

មកពីទស្សនាវដ្ដី ប្រិយមិត្ត

ស្វែងយល់អំពីផ្ទាំងមាស

ប្រើបន្ទាត់ពេលវេលានៅក្នុងផ្នែក ចូរមកតាមខ្ញុំ ខែនេះ ដើម្បីជួយកូនៗរបស់អ្នកស្វែងយល់អំពីរបៀបដែលព្រះគម្ពីរមរមនបានចាប់ផ្តើមឡើង ។

ការស្តាប់ឮព្រះវិញ្ញាណបរិសុទ្ធ

សូមអានដំណើររឿង និងច្រៀងបទចម្រៀងថ្មីមកពីទស្សនាវដ្តីការចេញផ្សាយខែនេះ ដើម្បីជួយកូនៗរបស់អ្នករៀនពីរបៀបដែលព្រះវរបិតាសួគ៌មានបន្ទូលមកកាន់យើងតាមរយៈព្រះវិញ្ញាណបរិសុទ្ធ ។

កុមារដែលមានសុខភាពល្អ និងរីករាយ

នៅក្នុងផ្នែកសម្រាប់កុមារធំៗ សូមស្វែងរកធនធានអំពីសុខភាពផ្លូវអារម្មណ៍ និងសុខភាពផ្លូវចិត្ត ។

សួស្ដីមកពីប្រទេសម៉ាដាហ្គាស្ការ !

សូមជួបជាមួយ ឡូរិន មិត្តភក្តិរបស់យើង ហើយរៀនពីរបៀបដែលនាងធ្វើតាមព្រះយេស៊ូវ ។ បន្ទាប់មកសូមអានបន្ថែមអំពីប្រទេសម៉ាដាហ្គាស្ការ និងតើសាសនាចក្រមានលក្ខណៈដូចម្តេចនៅទីនោះ ។