រោងបោះពុម្ព អ៊ី ប៊ី ហ្គ្រេនឌីន

បន្ទាប់ពីបកប្រែព្រះគម្ពីរមរមន យ៉ូសែប ស្មីធ បានរៀបចំឲ្យអ្នកបោះពុម្ពនៅទីក្រុងប៉ាលម៉ៃរ៉ាឈ្មោះ អេកប៊ើត ប៊ី ហ្គ្រេនឌីន បោះពុម្ពព្រះគម្ពីរនេះ ចំនួន ៥,០០០ ក្បាល ។ ព្រះគម្ពីរដំបូងត្រូវបានបោះពុម្ពនៅក្នុងឆ្នាំ១៨៣០ ហើយបន្ទាប់មកត្រូវបានចែកចាយដោយពួកអ្នកផ្សព្វផ្សាយសាសនា ដែលបាននាំមនុស្សជាច្រើនចូលរួមក្នុងសាសនាចក្រដែលបានស្តារឡើងវិញរបស់ព្រះយេស៊ូវគ្រីស្ទ ។

ម៉ាទិន ហារិស ដែលជាសាក្សីម្នាក់ក្នុងចំណោមសាក្សីទាំងបីនាក់នៃព្រះគម្ពីរមរមន បានបញ្ចាំកសិដ្ឋានគ្រួសាររបស់គាត់ដើម្បីបង់ថ្លៃការបោះពុម្ពនោះ ។ នៅពេលការព្រួយបារម្ភផ្នែកហិរញ្ញវត្ថុកើតឡើង លោកបានសុំការណែនាំមកពីព្រះអម្ចាស់ ។

« យើងបញ្ជាអ្នកថា កុំលោភទ្រព្យសម្បត្តិរបស់ខ្លួនឡើយ ប៉ុន្តែចូរចំណាយដោយសេរី សម្រាប់ការបោះពុម្ពព្រះគម្ពីរមរមន ដែលមានសេចក្ដីពិត និងព្រះបន្ទូលនៃព្រះ ។ …

« ហើយចូរប្រកាសប្រាប់ដំណឹងដ៏រីករាយ មែនហើយ ចូរប្រកាសប្រាប់នៅលើភ្នំ និងនៅលើគ្រប់ទីខ្ពស់ៗ និងនៅក្នុងចំណោមប្រជាជនរាល់គ្នា ដែលអ្នកត្រូវបានអនុញ្ញាតឲ្យឃើញ » ( គោលលទ្ធិ និងសេចក្ដីសញ្ញា ១៩:២៦, ២៩ ) ។