Mifikitra amin’ireo fanekempihavanantsika

Vehivavy mipetraka eo amin’ny rindrina vita amin’ny vato

Ireo lahatsoratra ao anatin’ny gazetibokin’ny Fiangonana amin’ity volana ity dia afaka manampy anao eo am-pikatsahanao ny “[hifikitra] amin’ny fanekempihavanana izay efa nataonao” (Fotopampianarana sy Fanekempihavanana 25:13).

Mianatra avy amin’ity laharana ity

Henoy ny feon’ny lanitra

Ao amin’ny pejy 2, ny Loholona Neil L. Andersen ao amin’ny Kôlejin’ny Apôstôly Roambinifolo dia mampatsiahy antsika fa ireo kotaban’izao tontolo izao dia manelingelina antsika tsy handre ny feon’ny Fanahy. Moa ve misy zavatra manelingelina eo amin’ny fiainanao izay mahatonga ny fifandraisana amin’ Andriamanitra ho sarotra? Azonao atao ny mametraka tanjona iray amin’ity volana ity mba hampihena ireo zava-manelingelina ireo, toy ny manokana fotoana misimisy kokoa ho an’ny fitsaohana any amin’ny tempoly na tsy mampiasa ny tamba-jotrantserasera.

Ampio ny hafa handray ireo fitahiana avy amin’ Andriamanitra

Ilay lahatsoratra ao amin’ny pejy 18 amin’ity lahatsoratra ity dia miresaka mikasika ny fomba afahafahan’ny mpikamban’ny Fiangonana mahita fifaliana sy mahatsapa ho manana ny toerany any amin’ny tempolin’ny Tompo, na manambady izy na tsia. Inona no azonao atao mba hanampiana ireo Olomasina namanao hahatakatra sy handray ireo fitahiana nomen’ny Ray any An-danitra ny zanany rehetra izay mitandrina ny fanekempihavanana natao Taminy?

Mandray sy mamantatra fanambarana

Vakio ilay lahatsoratra ao amin’ny pejy 44 izay nosoratan’ny Loholona Christophe G. Giraud-Carrier ao amin’ny Fitopololahy mba hahitana ireo hevitra dimy ho an’ny fandraisana sy famantarana fanambarana. Inona ireo lafin-javatra eo amin’ny fiainanao izay ilànao torolalana avy amin’ Andriamanitra? Hevero ny hampihatra ireo fitsipika nampianarin’ny Loholona Giraud-Carrier eo am-pikatsahanao fitaomana avy amin’ Andriamanitra amin’ity volana ity.

Sahanasa mampiala voly ny fianakaviana ao amin’ny Avia, hanaraka Ahy

Fotopampianarana sy Fanekempihavanana 20:75–79

Rehefa tafatsangana ny Fiangonan’i Jesoa tamin’ny 1830, dia nanome toromarika ny vahoakany ny Tompo mba “[h]ivory matetika mba handray ny mofo sy ny divay ho fahatsiarovana an’i Jesoa Kristy” (Fotopampianarana sy Fanekempihavanana 20:75). Azonao andramana miaraka amin’ny fianakaviana ity sahanasa ity mba hianarana misimisy momba ny fanasan’ny Tompo:

Vakio ireo vavaka amin’ny fanasan’ny Tompo ao amin’ny Fotopampianarana sy Fanekempihavanana 20:77, 79. Azonao ampiana ireo ankizy mba hahatakatra ireo teny tsy mahazatra toy ny hoe “hanamasina.”

Inona avy ireo zavatra telo ampanantenaintsika fa hataontsika? Inona no fitahiana ampanantenain’ny Tompo fa homena antsika ho setriny?
Inona no sasany amin’ireo fomba hahafahantsika “mahatsiaro mandrakariva” ny Tompo mandritra ny herinandro, ho an’ny tsirairay sy ho an’ny mpianakavy?
Azon’ny fianakavianao atao ny miezaka mitadidy ireo vavaka amin’ny fanasan’ny Tompo. Afaka mampiasa fitaovana jeren’ny maso ianareo hoenti-manampy. Rehefa avy eo dia anontanio ny olona tsirairay ao amin’ny fianakaviana ny momba ireo teny ao amin’ireo vavaka amin’ny fanasan’ny Tompo.

Nalaina tao amin’ny gazetiboky Namana

Fantaro ireo takela-bolamena!

Ampiasao ny tsipika maneho ny fizotry ny tantara ao amin’ny fizarana Avia, hanaraka Ahy ho an’ity volana ity mba hanampiana ireo zanakao hianatra ny fomba niantombohan’ny Bokin’i Môrmôna.

Mandre ny Fanahy Masina

Vakio ireo tantara ary mihirà hira vaovao avy ato amin’ny laharana ho an’ity volana ity mba hanampiana ireo zanakao hianatra ny fomba iresahan’ny Ray any An-danitra amintsika amin’ny alalan’ny Fanahy Masina.

Ankizy salama sy faly

Mahità loharanom-pitaovana momba ny fahasalamana ara-pihetseham-po sy ara-tsaina ao amin’ny fizarana Ho an’ny ankizy lehibe.

Maneho ny fiarahabana avy aty Madagasikara!

Fantaro i Lauren namantsika ary fantaro ny fomba fanarahany an’i Jesoa. Avy eo dia vakio misimisy kokoa ny momba an’i Madagasikara sy ny fitombon’ny Fiangonana any.