E aha tā tātou i ’ite nō ni’a ia Rebeka, te vahine a Isaaka ?

Rebekah at the Well [Rebeka i te ’āpo’o pape], nā Michael Deas

Teie te tahi mau mea tā tātou i ’ite nō ni’a ia Rebeka :

E tamāhine mata maita’i. Hi’o Genese 24:16.

E tamāhine marū ’e te itoito. ’Ua rātere ātea te tāvini o Aberahama nō te ’imi i te hō’ē vahine nō te tamaiti a Aberahama, ’o Isaaka, nō te fa’aipoipo i roto i te fafaura’a. ’Ua tāpe’a ’oia i te vāhi nō te ’āpo’o pape ’e pure atu ra ē te vahine e huti mai i te pape nōna ’e nō tāna e 10 kamela, ’o ’oia ïa tā te Atua i fa’ata’a nō te fa’aipoipo ia Isaaka. Nā Rebeka i rave i te reira. (Hi’o Genese 24:1–28.)

E fa’aro’o rahi tōna. I te anira’ahia ’oia i te mahana nō muri mai ē, e haere ānei ’oia nā muri i te tāvini Aberahama, ’ua parau Rebeka ē, e haere ’oia. E fa’aro’o tōna i te Fatu, tei arata’i mai i terā tāvini. (Hi’o Genese 24:50–58.) Teie ato’a, ’ua hau i te 20 matahiti te tamari’i-’ore-ra’a, ’ua tāpe’a noa ’oia i terā tīa’ira’a i roto i tāna mau fafaura’a (hi’o Genese 25:20, 26).

’Ua fa’ari’i ’oia i te heheura’a nō tōna ’utuāfare. I tō Rebeka hapūra’a i te maeha’a, ’ua parau te Fatu iāna : « E vī te tua’ana i te teina » (Genese 25:23). I muri a’e, ’ua ’ite ’oia i te maeha’a tua’ana, ia Esau i te fa’aru’era’a i te parau a’o a te Fatu ’e ’ua fa’atura ’ore i te tāna tuha’a matahiapo, ’e i te maeha’a teina, ia Iakoba i te ha’apa’o-maita’i-ra’a. ’Ua tauturu ’oia ia Iakoba ’ia fa’ari’i i te ha’amaita’ira’a nō te tuha’a matahiapo ’e ’ua fa’aara iāna ē, ’ua hina’aro tōna taea’e i te taparahi pohe iāna. (Hi’o Genese 27.)