Nāhea vau e tauturu ai i tō’u mau hoa ’e i tō’u ’utuāfare ?

’Ei ta’ata ti’afa’ahou, ’ua haere Iesu Mesia e fārerei i te ’āti Nephi ’e ’ua ani ia rātou ’ia rave i te hō’ē mea ’o tē fa’ata’a i te hō’ē hōho’a nō te mea tā tātou, tāna mau pipi nō teie ’anotau, e nehenehe ato’a e rave. ’Ua parau ’oia :

« Tē vai ra ānei te feiā ma’i i rotopū ia ’oe ? […] E piri’o’i ānei tō rotopū ia ’oe, e matapō ānei […] e feiā ro’ohia ānei i te tahi atu mau huru ’ati ? ’A hōpoi mai ia rātou i’ō nei, ’e e fa’aora vau ia rātou, e aroha ho’i tō’u ia ’oe na » (3 Nephi 17:7).

’A hi’o ’ua nāhea teie mau pipi tahito i te pāhonora’a.

« ’Ua haere mai ra te mau ta’ata ato’a […] i te hōpoira’a mai i tō rātou feiā ma’i […] ’e te mau ta’ata ato’a i ro’ohia i te mau huru ’ati ato’a ; ’e ’ua fa’aora ’oia ia rātou » (3 Nephi 17:9).

’Ua ’ite au ē, tē ora nei Iesu Mesia ’e ’o ’oia noa ā te Fa’aora marū. ’Ia pāhono tātou i tāna anira’a e hōpoi mai i tō tātou mau hoa ’e i tō tātou ’utuāfare iāna ra, e fa’aora mai ’oia i tō rātou māuiui mai tāna iho rāve’a.

« ’E ’ua nā reira rātou pā’āto’a, te feiā i fa’aorahia ’e te feiā tino maita’i, i te pi’ora’a ia rātou iho i raro i tōna pae ’āvae, ’e ’ua ha’amori atu ra iāna » (3 Nephi 17:10).

Haere ana’e tātou tāta’itahi i te Mesia ’a hōpoi ai ia vetahi ’ē iāna ra i teie pu’e tau Pāsa.