Fabio P.

Hōho’a nā Ashlee Larsen

I te Pāsa, e ’āmui tātou ’e tō tātou ’utuāfare tā’āto’a, e 30 ’e tae atu i te 40 ta’ata. I tō’u ’āpīra’a ra, ’ua tīa’i au i te ’ete i te huero moa ’e te totora. ’E e mea ’ārearea mau. Terā rā, i teienei mahana, ’ua rōtahi atu ā vau i ni’a i te aura’a o te Pāsa.

I roto i te ’ēkālesia, tē paraparau rahi nei tātou i ni’a i te ’ōro’a Pāsa. ’E i roto i tā’u tuatāpapara’a pāpa’ira’a mo’a, tē ha’atumu rahi nei au i ni’a i te ’ohipa i tupu i ni’a i te ’ōro’a Pāsa. Tē feruri nei au ia Iesu Mesia ’e i te mea tāna i rave nō tātou, ’e tē ’ite nei au i te hō’ē tū’atira’a pūai ’e ’oia.

Tā’u pāpa’ira’a mo’a au roa atu, ’o te 3 Nephi 15:9. Te parau nei ra, « Inaha, ’o vau te ture, ’e te māramarama. ’A hi’o mai iā’u, ’e ’ia tae i te hope’a, ’e e roa’a te ora ; ’o tē tāmau ē tae i te hope’a, ’o tā’u ïa e hōro’a i te ora mure ’ore. »

Mai te mea e tāmau noa vau i te tūtava i te mā’iti i te maita’i i roto i tō’u orara’a, mai tā’u e rave nei i teienei, e nehenehe au e ho’i fa’ahou iāna ra ’e ’ia roa’a te ora mure ’ore.