Ho’ohia i ’Aiphiti

’O Iosepha te tamari’i au roa a’e a tōna metua tāne, ’o Iakoba. ’Ua hāmani Iakoba i te hō’ē perēue ta’a ’ē nōna. ’Ua pohehae te mau taea’e o Iosepha. (’Aita ato’a i tauturu te mea ē, e ta’oto tā Iosepha tei fa’auruhia e te Atua ē, nāna e fa’atere ia rātou ’ia tae i te hō’ē mahana.)

’Ua ho’o te mau taea’e o Iosepha iāna i te mau ta’ata e haere i ’Aiphiti ’e ’ua parau ia Iakoba ē, ’ua pohe Iosepha. I ’Aiphiti, e tītī ’o Iosepha ’e ’ua hurihia ’oia i roto i te fare tāpe’ara’a nō te hō’ē hara tāna i ’ore i rave. ’Ua ha’apa’o maita’i noa ’oia i te Atua, ’e tei pīha’i iho te Fatu iāna ’e ’ua ha’amaita’i iāna.

Ē i te hope’a, ’ua tātara Iosepha i te moemoeā o Pharoa ’e ’ua hōro’a iāna i te mana’o nō te fa’aineine nō te o’e e tae mai nei. ’Ua fa’ariro Pharoia ia Iosepha ’ei fa’atere i ’Aiphiti. ’Aita i maoro roa, tē haere mai nei tōna nā taea’e i ’Aiphiti nō te ho’o mai i te terea. ’Aita rātou i ’ite ē, tē ani ra rātou i te tauturu a terā taea’e tā rātou i ho’o !

Ē i te hope’a, ’ua fa’a’ite Iosepha iāna i tōna mau taea’e ’e ’ua pūpū ia rātou i te mā’a ’e i te ha’apūra’a i ’Aiphiti. ’Ua fa’a’ore ’oia i tā rātou hapa ’e ’ua fa’aora i tōna ’utuāfare. ’Ua riro ato’a mai teie nau taea’e i nā ’ōpū nō ’Īserā’ela e 12.