Fa’ahanahana i te Pāsa

1. Huero moa Pāsa

Huero moa, huero moa, huero moa. Nā te ao ato’a nei, ’ua fa’anehenehehia te mau huero moa pāsa, ’ua ’imi, ’ua huri, ’ua vāhihia ’e ’ua ’amu. I te fenua Heremani ’e i Auteteria, ’ua topa te huero moa pāsa i ni’a i te mau tumu rā’au (Ostereierbaum). I Mexico, ’ua ha’apūputahia te huero moa ’e ’ua fa’aīhia i te pōta’ata’a confetti (cascarones) ’e i muri iho e ha’apārarihia i ni’a i te upo’o o te tahi ta’ata.

’Oia mau, e rave rahi mau ta’ata e fa’a’ohipa nei i te mau huero moa nō te fa’ahanahana i te ’ōro’a Pāsa ma te rōtahi ’ore i ni’a i te Fa’aora. Tei ia tātou te rōtahira’a i ni’a i te Fa’aora i roto i tā tātou mau peu tumu nō te Pāsa. E nehenehe te mau huero moa e riro ’ei mau tāpa’o nō te orara’a ’āpī, te tahi tā’amura’a vitiviti nō te ti’afa’ahoura’a. ’Ua fa’a’ohipahia te ’ū ’ute’ute i roto i te tahi mau ta’ere nō te fa’ahōho’a i te tusia a te Fa’aora. E ’ia ha’apārarihia te hō’ē huero moa, e nehenehe te ’apu pipi e fa’aha’amana’o ia tātou i te menema ’aore e ta’ata i roto ’e te Fa’aora tei ti’afa’ahou. Mai te mea ’aita ’oe i ha’atū’ati i tā ’oe mau peu tumu pāsa nōna, teie ïa te taime nō te ha’amata !

2. ’Auahi Pāsa

’Ua riro te fa’ari’ira’a i te hō’ē auahi ’ei peu matarohia i te pāsa, i te fenua Heremani ihoā rā, i Holane, i Croatia, ’e i finelani.

E nehenehe te auahi i te tau nō te Pāsa e fa’aha’amana’o ia tātou nō te hi’o atu i ni’a i te Fa’aora, ’o te hōpoi mai i te māramarama ’e te māhanahana i tō te ao nei, ’e ’oia mau, te māramarama o te ao ihoā (hi’o Ioane 8:12).

3. mā’a ta’a ’ē

Nā te ao ato’a nei i te Pāsa, e piti tāpa’o tei ’ai-fa’ahou-hia ’e fa’ahou ā : Te ’ārenio ’e te pāne.

E nehenehe te ’Ārenio e fa’atoro i ni’a i te ’Ārenio a te Atua—te Fa’aora iho. E nehenehe te pāne e fa’aha’amana’o ia tātou ia Iesu Mesia, ’oia te pāne ora (hi’o Ioane 6:35).

4. natinatira’a i te ’Ama’a

I roto i te tahi mau fenua, mai ia ’Ītāria, pāniora, Firipino, Mehiko, ’Aiphiti ’e Etīopia, ’ua fa’aru’e mai te mau ta’ata nō te ’āma’a ’e ’aore rā te tahi atu mau rā’au i te Sābati o te ’āma’a.

Te Sābati nō te mau ’āma’a, ’o te Sābati ïa hou te ’ōro’a Pāsa ’e te fa’ahanahanara’a i te tomora’a hanahana ’o Iesu i Ierusalema, i te taime ’a vauvau atu ai te ta’ata i te mau rau’ere ’āma’a i mua iāna.

5. Pāuma manihini

I Beremuda i te Pāsa, ’ua pēni te mau ta’ata i te pāuma !

Teie peu tumu o te hō’ē ïa fa’aha’amana’ora’a ’ārearea nō te ti’afa’ahoura’a o te Fa’aora ’e e mea nāhea ’oia i muri a’e i tōna ti’ara’a mai i ni’a i te ra’i.

6. Ha’amorira’a a te ’Ēkālesia

’Eiaha e ha’amo’e i te hō’ē o te mau peu tumu faufa’a roa a’e nō Pāsa—haere i te purera’a ! ’Ua haere mātou i te fare purera’a i te Sābati Pāsa nō te rave i te ’ōro’a mo’a ’e nō te ha’amana’o i te Fa’aora. (Mai te mea tei te Pāsa te ’āmuira’a rahi, e nehenehe tātou e ha’amana’o iāna nā roto i te fa’aro’ora’a i te ta’ata—’ei reira e rave fa’ahou ai i te ’ōro’a mo’a i te hepetoma i muri mai.)

’A ha’apa’o ai tātou i tā tātou mau fafaura’a ’e ’a rave ai tātou i te ’ōro’a ma te ti’amā, ’ua parauhia mai ē, e vai noa tōna vārua i roto ia tātou. E nehenehe te reira e tauturu ia tātou ’ia tū’ati atu i te Fa’aora i ni’a i te Pāsa ’e i te mau mahana ato’a.