E nehenehe au e tītau manihini i te ta’ata

Fa’ahōho’ara’a nā Katelyn Budge

Tē hitahita nei au i te parau i te ’evanelia i tō’u mau hoa, terā rā tē ’oa’oa ’e te ’ana’anatae ato’a nei au. I te mau matahiti ato’a, tē fa’anaho nei matou i te ’imi’imira’a huero Pāsa i te fare. Tē poro’i nei mātou i te mau misiōnare ’e tō mātou mau hoa melo ’ore ’ia haere ato’a mai.

Pinepine au i te ani i tō’u mau hoa ’ia haere mai i te purera’a ’aore rā i te mau ’ātivite a te feiā ’āpī. Hō’ē ana’e hoa tei haere mai i te hō’ē ’ātivite, ’e ’aita hō’ē i haere mai i te purera’a—’aita ā. Tē tāmau noa nei rā vau i te ani ia rātou ’ia haere mai nō te ha’afātata i te Atua ’e ’ia ora fa’ahou i pīha’i iho Iāna. E fa’a’oa’oa te reira iā’u ’ia tāvini i te ta’ata ma te ani ia rātou ’ia haere mai i te Mesia ra.

’O Iesu Mesia tō tātou Fa’aora ’e tō tātou Tāra’ehara, te ’Ārenio a te Atua, ’e te Tīa’i māmoe Maita’i. ’Ua ’ite au ē, e ora fa’ahou tātou i pīha’i iho i te Atua ’ia pe’e tātou Iāna.