« Nāhea vau e rōtahi rahi ai i ni’a i te Fa’aora i te pu’e tau Pāsa ? »

« Tē tūtava nei au i te fa’atumu i ni’a i te Fa’aora nā roto i te fa’aro’ora’a i te pehe fa’auru, te ferurira’a hau atu ā iāna, te fāriura’a i ni’a iāna i roto i tō’u orara’a tāmahana ’e te pure-rahi-ra’a. E mea au ato’a nā’u ’ia tai’o i te mau pāpa’ira’a mo’a, ’ia ha’api’i i te parau nō tōna ti’afa’ahoura’a ’e nō te tīa’ira’a tā te reira e fa’atae mai iā’u. »

Maxwell R., 16 matahiti, Missouri, Marite

« ’Imi i te mau pāpa’ira’a mo’a nō te tai’o ’āmui ’e te ’utuāfare i te mau mahana ato’a, ’aore rā i te mau hepetoma ato’a, nō te fa’aha’amana’o ia ’oe i teie taime faufa’a rahi o te orara’a o te Fa’aora. ’Imi i te mau rāve’a i te mau mahana ato’a nō te tāvini ia vetahi ’ē mai te Mesia ra te huru. »

Ahonima A., 15 matahiti, Tongatapu, Tona

« E nehenehe au e rōtahi rahi atu ā i ni’a i te Mesia nā roto i te fa’a’itera’a i te hō’ē mea nō ni’a iāna i ni’a i te natirara. »

Caleb F., 17 matahiti, Arizona, Marite

« Tai’o i te mau pāpa’ira’a mo’a e fa’a’ite ra mai te aha tōna orara’a, te hepetoma hope’a iho ā rā hou tōna fa’asātaurora’ahia. Tā’u ’ā’amu au roa o te Mataio 21–27 ïa. E tauturu te tai’ora’a i te mau pāpa’ira’a mo’a ’ia ha’afātata atu ā i tō’u Fa’aora ’e ’ia māramarama maita’i a’e i tāna tāra’ehara. »

Grace M., 15 matahiti, Alberta, Tanata

« E fa’aha’amana’o mai te Pāsa ’e te tāra’ehara a Iesu Mesia iā’u i te mau ha’amatara’a ’āpī ’e te herera’a ’āpī. Fa’atano ’āpī i tā’u terera’a ’ohipa mātaro o te mahana tāta’itahi ’e hi’o fa’ahou i tā’u mau fā, ’ua fāna’o ïa vau i te rāve’a nō te rōtahi-fa’ahou-ra’a i ni’a i te Mesia ’e nō te ha’amana’o iāna ma te ’ā’au tae rahi atu ā i teie taime ta’a ’ē o te matahiti. »

Lilly H., 17 matahiti, California, Marite