Na cava eda kila baleti Repeka, na wati Aisake?

Repeka ena iKeli Wai, mai vei Michael Deas

Oqo eso na ka eda kila me baleti Repeka:

E a bula dodonu ka totoka o koya. Raica na iVakatekivu 24:16.

E a yalovinaka ka gugumatua o koya. A lako vakayawa sara na tamata i Eparaama me laki kunea e dua me rau vakamau ena veiyalayalati kei Aisake, na luvena tagane o Eparaama. A mai cegu toka ena dua na ikeliwai ka masulaka ni yalewa ga ena mai taki wai me baleti koya kei na 10 na nona kameli me sa na o koya sa lesia na Kalou me vakamautaki Aisake. A vakayacora na ka oqo o Repeka. (Raica na iVakatekivu 24:1–28.)

A tu vua na vakabauta cecere. Ni a tarogi ena siga ka tarava kevaka me na lesu tale vata kei na italai nei Eparaama, a kaya o Repeka ni na vakakina. E a vakabauta o koya na Turaga, ka a tuberi koya. (Raica na iVakatekivu 24:50–58.) Ni sa sivia talega e 20 na yabaki ni tawa vakaluveni, a maroroya tu o koya na inuinui ena nona veiyalayalati (raica na iVakatekivu 25:20, 26).

A ciqoma o koya na ivakatakila me baleta nona matavuvale. Ni sa bukete o Repeka vei rau na drua, a tukuna vua na Turaga, “Ia ko koya sa qase ena qaravi koya sa gone” (iVakatekivu 25:23). E muri a qai raica o koya na sala a cakitaka kina na ivakasala ni Turaga na isa ni drua qase, o Iso, ni vakawalena na nona dodonu ni ulumatua kei na nona yalodina na isa ni drua gone, o Jekope. A vukei Jekope me ciqoma na veivakalougatataki ni dodonu ni ulumatua ka vakasalataki koya ni vinakata o tacina me vakamatei koya. (Raica na iVakatekivu 27.)