Fabio P.

iTaba mai vei Ashlee Larsen

Ena Siganimate, keitou dau soqoni vata kei na neitou matavuvale raraba, e rauta ni 30 ki na 40 na tamata. Niu a se gone, au dau vakanamata ki na basikete yaloka kei na jokiliti. Ka sa dua na ka marautaki dina. Ia edaidai, au sa vakanamata vakalevu cake ki na ibalebale ni Siganimate.

Ena lotu, eda veitalanoataka vakalevu na Siganimate. Ia ena noqu vuli ivolanikalou, au vakanamata vakalevu cake ki na ka a yaco ena Siganimate. Au vakasamataki Jisu Karisito kei na veika a cakava vei keda o Koya, kau vakila e dua na isema kaukauwa cake kei Koya.

Na noqu ivolanikalou taleitaki oya na 3 Nifai 15:9. E kaya, “Raica, koi Au na lawa kei na rarama. Mo ni muri au ka vosota me yacova na ivakataotioti, mo ni na bula kina; ia ko koya sa vosota me yacova na ivakataotioti, au na solia vua na bula tawamudu.”

Kevaka au segata tikoga meu digitaka na dodonu ena noqu bula, me vaka au sa cakava sara tikoga oqo, au na rawa ni lesu tale Vua ka rawata na bula tawamudu.