Volitaki ki Ijipita

O Josefa a luvena taleitaki duadua i Tamana, o Jekope. A cakava vua o Jekope e dua na kote digitaki. Eratou a didivaka na tuakai Josefa. (A sega ni veivuke nona tadra vakauqeti mai vua na Kalou o Josefa ni na lewai iratou o koya ena dua na siga.)

Eratou a volitaki koya na taci Josefa vei ira na tamata era gole tiko ki Ijipita ka tukuna vei Jekope ni sa mate o Josefa. E Ijipita, a dua tu na bobula o Josefa ka biu ki valeniveivesu ena vuku ni dua na cala a sega ni vakayacora o koya. A dau yalodina tu ga vua na Kalou, ka a tiko vata kei koya na Turaga ka vakalougatataki koya.

A qai yaco, ni a vakadewataka o Josefa na tadra nei Fero ka solia vua na ivakasala me vakavakarau ki na dua na dausiga sa lako tiko mai. A lesi Josefa ko Fero me daunilewa e Ijipita. Sega ni dede eratou a lako mai na tuakana ki Ijipita me voli kakana. Eratou sega ni kila ni ratou a kerea tiko na veivuke mai vua na tacidratou ga eratou a volitaka!

Emuri a qai vakatakilai koya o Josefa vei iratou na tuakana ka solia vei iratou na kakana kei na vale e Ijipita. A vosoti iratou o koya ka vakabula na nona matavuvale. O iratou na veitacini oqo a yaco me ratou Yavusa e 12 i Isireli.