Marautaka Tiko na iVakabula

Droini mai vei Katelyn Budge

Au dau taleitaka na Siganimate. Au taleitaka na lako vata mai vakamatavuvale me marautaka na nona tucake tale mai na mate o Jisu Karisito. Na vakayagataki gauna vata kei na noqu matavuvale e dua na ka au dau taleitaka dina, ia niu vakasamataka na veika kece sa cakava vei keda na iVakabula sa qai ka totoka cake sara.

Ni keitou vakavakarau ki na neitou vakasaqaqara yaloka ni Siganimate, keitou dau biuta tu na ivolanikalou ena loma ni yaloka. Keitou qai dau wilika na ivolanikalou ni sa kunei ira ena gauna ni vakasaqaqara. Dua na gauna, keitou a cakava e dua na ibulubulu lailai. Keitou a qai vola na neitou lomaleqa taucoko, biuta ena loma ni ibulubulu, ka biuta e dua na vatu e matana. Ena siga ka tarava, a sa vagalalataki kece na pepa—ka vakananuma vei keitou na sala e rawa ni vukei keitou kina na iVakabula ena neitou lomaleqa.

O Jisu Karisito sa noqu iTokani Vakalomalagi sa uasivi sara. Veitalia ga na cava, au kila ni na dau kilai au vinaka tu ga o Koya.