Au Rawa ni Sureti Ira Kece na Tamata

Droini mai vei Katelyn Budge

Au dau ririko ni wasea na kosipeli vei ira na itokani ia au dau marautaka ka malaude talega. Ena veiyabaki, keitou dau cakava e dua na vakasaqaqara yaloka ni Siganimate ena neitou vale. Keitou dau sureti ira na daukaulotu kei ira na itokani era sega ni lewe ni Lotu.

Au dau sureti ira wasoma talega na noqu itokani mera gole mai ki lotu se ki na itaviqaravi ni itabagone. E se qai dua ga na itokani e lako mai ki na dua na itaviqaravi, ka sega ni dua e se bau lako mai lotu—me yacova mai oqo. Ia au sureti ira tikoga me rawa ni ra toro voleka mai vua na Kalou ka laki bula vata tale kei Koya. E dau vakamarautaki au meu qaravi ira na tani ena noqu sureti ira me ra lako mai vei Karisito.

O Jisu Karisito na noda iVakabula ka Dauveivueti, na Lami ni Kalou, ka iVakatawa Vinaka. Au kila ni da na rawa ni laki bula vata tale kei na Kalou kevaka eda muri Koya.