Meu Vukei Ira Vakacava na Noqu iTokani kei na Matavuvale?

Me vaka ni sa dua a tucaketale mai na mate, a sikovi ira na Nifai o Jisu Karisito ka sureti ira mera cakava e dua na ka e tuvanaka e dua na ivakarau me da rawa ni cakava talega vaka Nona tisaipeli ena gauna oqo. A kaya o Koya:

“Sa tiko li e so na nomuni tauvimate? … Sa tiko li eso era sa lokiloki, se mataboko, … o ira kece ga sa tauvimate tu? Mo ni kauti ira mai kau na vakabulai ira, niu sa yalololoma vei kemuni” (3 Nifai 17:7).

Raica na sala era a sauma kina na tisaipeli ena gauna e liu.

“Ko ira na lewevuqa … era sa kauti ira mai na nodra tauvimate … kei na veimataqali mate kecega; a sa vakabulai ira kecega ko koya” (3 Nifai 17:9).

Au kila ni bula tiko o Jisu Karisito ka ni sai Koya tikoga na Dauveivakabulai malumu. Ni da sa vakaio ki na Nona veisureti meda kauti ira mai na noda itokani kei na matavuvale ki Vua, ena vakabulai ira o Koya ena Nona sala ga.

“A ra sa cuva sobu kecega e yavana ka vakarokorokotaki koya, ko ira sa vakabulai kei ira sa bula vinaka tu” (3 Nifai 17:10).

Meda sa lako yadua mai vei Karisito ni da kauti ira mai na tani ki Vua ena gauna ni Siganimate oqo.