«Ինչպե՞ս կարող եմ լավագույնս կիսվել ավետարանի «պտուղներով» ուրիշների հետ, որպեսզի նրանք տեսնեն, թե որքան կարևոր է այն ինձ համար»

«Ապրեք ավետարանով այնպես, որ անկասկած տարբերվեք։ Եթե ուրիշները տեսնեն, որ դուք փորձում եք ապրել ձեր համոզմունքների համաձայն, նրանց դա կհետաքրքրի։ Սա կատարյալ ժամանակ է՝ կիսվելու ձեր վկայությամբ, Քրիստոսի հանդեպ ձեր սիրով և նրանով, թե որքան երջանիկ է ավետարանը ձեզ դարձնում։

Միգել Ա., 17 տարեկան, Աստուրիա (Իսպանիա)

«Ավետարանի պտուղներից մեկն ուրախությունն է։ Կիսվեք Քրիստոսում գտած ուրախությամբ՝ պարզապես ժպտալով և ծառայելով ուրիշներին, ինչպես Հիսուսը կաներ։ Երբ մարդիկ հարցնեն, թե ինչպես է անցել ձեր շաբաթավերջը, կիսվեք եկեղեցում ունեցած ձեր փորձառություններով, որպեսզի օգնեք նրանց տեսնել, թե որքան կարևոր է Հիսուս Քրիստոսը ձեզ համար»։

Էլիզա Ս., 16 տարեկան, Վիքլոու (Իռլանդիա)

«Ես կարող եմ մարդկանց հրավիրել եկեղեցի, որպեսզի նրանք իրենց աչքով տեսնեն բարին»։

Քալ Լ., 11 տարեկան, Տեխաս (ԱՄՆ)

«Ես այնքան շատ օրհնություններ եմ ստանում Փրկչի Քավության միջոցով, որ կյանքս լցվում է ուրախությամբ։ Երկնային Հոր ներկայությունը մխիթարում է ինձ և վստահություն տալիս՝ կիսվելու այդ ուրախությամբ։ Իմ պարգևներն ու օրհնություններն ուրիշների հետ կիսելը, անշուշտ, նրանց ցույց կտա, թե որքան կարևոր է ավետարանն ինձ համար»։

Մարիատա Մ., 16 տարեկան, Տուամասագա (Սամոա)

«Ավետարանով արդյունավետորեն կիսվելու առաջին քայլը՝ ըստ դրա ապրելն է, թե՛ տանը և թե՛ շրջապատում։ Մարդիկ կարող է չցանկանան լսել, թե ինչ եք ասում, բայց նրանք կտեսնեն, թե ինչ եք անում, և դա հզոր վկայություն է»։

Էստեյսի Մ., 19 տարեկան, Պարաիբա (Բրազիլիա)

«Ես կարող եմ լավագույնս կիսվել ավետարանի «պտուղով» ուրիշների հետ՝ լավ օրինակ լինելով նրանց համար և հրավիրելով միջոցառումների»։

ՄաքԼեյն Բ․, 15 տարեկան, Կալիֆորնիա (ԱՄՆ)