Rënia: Adami dhe Eva

Adami dhe Eva jetonin në Kopshtin e Edenit, një kopsht i bukur ku nuk do të përjetonin as dhembje, as vështirësi, as vdekje apo gëzim. Ata mund të gëzonin gjithashtu praninë e Perëndisë.

Ati Qiellor i urdhëroi ata të kishin fëmijë dhe të mos hanin nga fruta e “pemë[s] [së] njohjes të së mirës dhe të së keqes”. Satani e tundoi Adamin dhe Evën që ta hanin frutën.

Eva dhe Adami zgjodhën që ta hanin frutën. Atyre u duhej të largoheshin nga kopshti dhe nga prania e Perëndisë, të kalonin përmes vështirësish dhe në fund të vdisnin. Mirëpo, ata gjithashtu do të ishin në gjendje të kishin gëzim, ta zbatonin urdhërimin e Perëndisë për të pasur fëmijë dhe të përparonin drejt jetës së përjetshme.

Në fillim, Adami dhe Eva u fshehën. Mirëpo, kur mësuan rreth planit të Atit Qiellor, ata e kuptuan se zgjedhja e tyre bëri të mundur që në tokë të vinin fëmijët e Atit Qiellor. Ata mësuan se Ati Qiellor do të dërgonte Jezu Krishtin për t’i shpëtuar ata (dhe ne) nga mëkati dhe vdekja.