Niu Klas, Ol Niu Janis
?Yu stap muv i go long wan niu klas o kworom? !Hemia sam samting blong lukluk fored from!
Ol pikja droing oli kam long Cinta Fosch
Stat blong wan niu yia, fulap taem, i givim ol bigfala janis—we i tekem fasin we i posibol blong mekem transisen i go long wan nara klas o kworom long jos! Nomata se yu stap lego Praemeri, go long Rilif Sosaeti, o kworom blong ol elda, o stap muv i go nomo long nara Yang Woman klas o Aronik Prishud kworom, hemia trifala samting blong lukluk fored from.
1. Niu Pipol
Bae yu maet filim fraet blong stap long klas wetem ol pipol we oli moa olfala long yu, be yufala i gat fulap samting we i semmak bitim we yu save tingting long hem. Yufala evriwan i ol disaepol blong Jisas Kraes we yufala i stap traehad blong folem Hem. Blong jenisim ol klas i wan janis blong harem ol niu tingting long ol pipol we oli gat ol defren eksperiens long yu—mo wan janis blong mekem ol niu fren.
2. Ol Niu Aktiviti
!Ol program blong Yang man mo Yang Woman oli naes tumas! Bae yu gat ol niu wei blong konek wetem ol yut, wetem ol klas mo ol kworom aktiviti mo kamp. Taem yu gat 14 yia, yu save gat konfrens blong BYS, danis, mo seminari.
Olsem wan yang adalt, yu save go long institiut mo ol aktiviti we Rilif Sosaeti, kworom blong ol elda, o yang singgel adalt long wod o ples blong kam tugeta we oli planem.
3. Ol Niu Janis
Taem yu stap kam bigwan, yu gat moa janis blong givim seves insaed long Jos, olsem blong mekem baptaes blong olgeta we oli ded, blesem sakramen, o stap mekem i hapen ol koling (wetem wok blong givhan). Tekem ol janis ia blong gro long saed blong spirit mo stap glad long olsem wanem blong mekem koneksen blong yu wetem Papa long Heven, Jisas Kraes, mo ol pipol we yu stap givim seves long olgeta i kam strong.
Taem yu mekem transisen i go long wan niu klas, tingbaot se “yufala i wan long Kraes Jisas” (Galesia 3:28). Taem yu putum jos eksperiens blong yu raon long Hem, bae Hem i helpem yu blong faenem glad long wea ples yu stap long hem.