?From wanem ol skripja i tokbaot Kriesen blong wol?

Kriesen, i kam long Annie Henrie Nader

Ol skripja i tokbaot Kriesen blong tijim yumi abaot stamba tingting biaen long kriesen be i no ol proses we i pat long kriesen.

Taem Moses i bin askem long Lod blong “talemaot long [hem] long saed blong wol ia … mo tu, long saed blong ol heven,” Lod i talem se, “From luk, hemia i wok mo glori blong mi—blong mekem man i nomo save ded mo i kasem laef we i no save finis” (Moses 1:36, 39).

Taem Lod i bin tijim Abraham abaot Kriesen, Hem i bin soem Kaonsel long Heven long hem, long ples we ol spirit pikinini blong God i kam tugeta. Abraham i bin luk Jisas bifo i kam long wol, we i eksplenem se:

“Bae yumi godaon, from se i gat ples i stap longwe, mo bae yumi tekem olgeta samting ia, mo bae yumi mekem wan wol we olgeta ia bae oli stap long hem;

“Mo bae yumi testem olgeta long wei ia, blong luk sapos bae oli mekem evri samting we Lod, God blong olgeta bae i givim oda long olgeta;

“… Olgeta we oli kwalifae, bae oli “givim moa glori antap long hed blong olgeta blong oltaem mo oltaem” (Ebraham 3:24-26).

Ol bigfala kriesen blong God we i fulap long glori, tugeta wetem wol ia, oli pat blong plan blong Hem blong sevem yumi, ol pikinini blong Hem mo blong helpem yumi blong kam olsem wan God.