Respektem Bodi blong Mi

Pikja i kam long Katelyn Budge

Mi go long wan skul we plante gel oli stap jenis blong soem bodi blong olgeta, dring kofi, mo mekem ol joes we i no folem ol valiu blong mi.

Gaed ia Blong Ol Yut Oli Kam Strong i bin helpem mi blong stap tru long ol komanmen mo bilif blong mi. Eksampol, mi folem Toktok blong Waes, taem ol fren blong mi i invaetem mi blong karem kofi, wetem respek mi talem no. Taem oli talem sam stael klos, mi jusum olgeta we mi filim se mi kamfot mo faenem modesti long hem. Mi biliv se modesti i impoten from ol bodi blong yumi i ol tempol. Taem mi jusum blong werem klos we i kavremap mi, mi soem respek long bodi blong mi mo tangkyu i go long God.

Mi stap traem blong laef folem ol tijing blong gospel long laef blong mi, mo taem mi fesem ol jalenj, mi lukluk long skripja stadi blong kasem gaed mo revelesen. Mi save se Papa long Heven mo Jisas Kraes i lavem yumi. Papa long Heven bae i oltaem gaedem mo protektem yumi taem yumi lukaotem Hem. Iven long ol smol wei, Hem i stap blesem yumi evri dei.