Pulpulum Toktok blong Sakramen Prea

Pikja i kam long Katelyn Budge

Mi gat wan hadtaem blong toktok we i mekem se mi stap pulpulum toktok long ol defren situesen, mo tu taem mi stap blesem sakramen. Fastaem, hem i bin wan tru jalenj. Mi iven gat tingting blong nomo blesem sakramen.

Be mi stat blong prea long Papa long Heven. Mi prea oltaem long Hem, mo askem help blong Hem. Mi testifae se Hem i harem ol prea blong yumi. Afta samtaem, mi stat blong no pulpulum toktok tumas .

Samtaem mi gohed blong pulpulum toktok, be Sevya i bin helpem mi blong winim jalenj ia. Tru long safaring blong Hem long Garen blong Getsemane, Hem i andastanem wanem we mi filim long situesen ia.

Mi bin fesem jalenj ia tu long skul. Long stat, i bin wan hadtaem from ol pipol oli laf long mi. Be mi filim lav blong Sevya long laef blong mi. Hem i kamfotem mi mo helpem mi.