Wan Niufala Yia

!Hem i Jenuware! Wan niu yia. Wan taem blong ol niu stat.

Maet bae yu setem wan gol blong niu yia ia. Sam pipol oli jusum wan toktok blong ripresentem wanem we oli wantem blong yia we i stap kam. Long yia ia, ol yut raon long wol bae oli lukluk nomo long semmak ves blong skripja ia: Moses 6:34, “Wokbaot wetem mi.” Hemia i wan invitesen we oli givim long profet Inok.

Taem Inok i stap wokbaot truaot long lan, Spirit blong God i stap wetem hem. Afta Lod i toktok long hem. Hem i tijim hem abaot plan ia blong Hem blong hapines, we bae i givim stamba tingting mo mining long laef. Taem Lod i finis blong tokbaot plan ia blong Hem, Hem i givim long Inok wan invitesen: “Wokbaot wetem mi.”

Taem yu wokbaot truaot long yia ia, bae yu faenemaot yuwan we yu stap lukaotem hapines, stamba tingting, mo mining long laef. Bae yu save lan aot long stori blong Inok mo invaetem Lod blong stap pat long rod blong yu long yia ia.

Yu save jus blong wokbaot wetem Hem. Taem yu mekem hemia, ol blesing oli stap.

Bae hem i wan gudfala yia.