Anavai H.

Ol foto i kam long Stéphane Sayeb

Ol paren blong mi i bin divos, mo i bin wan hadtaem we i spolem yang hat blong mi. Hem i bin had tumas long mi from mi no wantem tufala i seperet, be mi faenem kamfot we mi nidim long Jisas Kraes. !Hem i wan tru eksperiens long saed blong spirit!

Truaot long ol hadtaem ia, mi bin faenem paoa long ol toktok blong Kraes. Ol lesen we mi kasem long ol paren blong mi mo ol lida i bin helpem mi blong lukluk strong long ol tijing blong Hem. Gospel ia i kam olsem wan ples we mi save kasem paoa long hem—paoa we mi nidim blong mi holemtaet fet blong mi nomata long ol hadtaem blong famli.

Tedei, mi gohed blong faenem glad tru long gospel mo tru long ol tempol eksperiens. Mi wantem blong lanem moa abaot Kraes. Mi wantem blong save gud Hem moa, speseli blong folem ol step blong Hem. Mi gat wan testemoni se Kraes i gaedem yumi long ol rod blong yumi mo se bae Hem i helpem yumi blong stap lukluk strong long Hem nomata long ol hadtaem.