Foldaon: Adam mo Iv

Adam mo Iv i bin stap long Garen blong Iden—wan naesfala garen, ples we bae tufala i no eksperiensem harem nogud, hadwok, ded, o glad. Bae tufala i save gat wan gud taem long ples blong God.

Papa long Heven i givim komanmen long tufala blong gat pikinini mo no kakae long frut ia blong “tri blong save gud mo nogud.” Setan i bin temtem Adam mo Iv blong tufala i kakae frut ia.

Iv mo Adam i jusum blong kakae frut. Bae tufala i mas aot long garen mo ples blong God, blong go tru long hadtaem, mo long en, blong ded. Mo tu, tufala i save gat glad, kipim komanmen blong God blong gat pikinini, mo progres i go long laef we i no save finis.

Faswan, Adam mo Iv tufalawan i bin haed. Be taem tufala i lanem abaot plan blong Papa long Heven, tufala i save se joes blong tufala i letem ol pikinini blong Papa long Heven blong kam long wol ia. Tufala i lanem se Papa long Heven bae i sendem Jisas Kraes blong tufala (mo yumi) aot long sin mo ded.