Ngano nga ang Ginoo adunay Simbahan?

Ang katuyoan sa Simbahan ni Kristo mao “aron ang mga indibidwal ug mga pamilya makatabang sa Dios diha sa pagtuman sa Iyang buhat sa kaluwasan ug kahimayaan.” Ang Simbahan ni Jesukristo sa mga Santos sa Ulahing mga Adlaw motabang “sa pagkahimong takos sa Iyang mga anak alang sa kinatas-an nga ang-ang sa himaya, nga mao ang kahimayaan o mahangtorong kinabuhi.”

“Ang Manluluwas … misugo [sa Simbahan] sa pagtuman sa Iyang mga katuyoan—sa pagsangyaw sa Iyang ebanghelyo, sa paghalad sa Iyang mga ordinansa ug mga pakigsaad, ug nakapahimo niini nga posible alang sa Iyang gahom sa paghatag og kaangayan ug pagbalaan kanato.”

Ang mga miyembro sa Simbahan makagamit sa gahom ug mga panalangin ni Jesukristo pinaagi sa awtoridad ug mga yawe sa pagkapari, mga pakigsaad ug mga ordinansa, propetikanhon nga giya, mga kasulatan, ug komunidad sa mga Santos.

Ang Simbahan gisugo usab: “ Barog ug pagmahimong ehemplo, aron ang inyong kahayag mahimong simbolo alang sa mga nasod;” (Doktrina ug mga Pakigsaad 115:5).

Ang mga miyembro sa simbahan naningkamot nga “modan-ag” pinaagi sa pagsunod sa ebanghelyo, nagdapit sa tanan sa pagdawat sa ebanghelyo, naghiusa sa mga pamilya alang sa kahangtoran, ug nag-atiman sa mga kabos ug timawa. Mao kini ang buhat sa Dios sa kaluwasan ug kahimayaan.